अँबी वॅली - बियाँड दि हेवन !

काही फोटो दिसत नाहीत. अ‍ॅम्बी व्हॅली बद्दल ऐकुन आहे खूप. जकुझी आणि रुम मस्त!

पण तुमचे संभाषण एक तर मराठीत लिहा किंवा इंग्लिश्मध्येच टाईप करा. देवनागरीत इंग्रजी वाचणं शिक्षा आहे अगदी.

सर्व फोटू आवडले. सुब्रता रॉय आणि कोर्ट केसेस बाजूला ठेवले तरी आजकाल भारतात घरातील जमीनी, भिंती लाकडाच्या करण्याचं प्रस्थ आहे असं निरिक्षण नोंदवते ज्याची आपल्याकडील हवामानाला गरज नाही. उगीच निसर्गावर ओझे होते. आमच्याकडील बर्फाळ वातावरणात लाकडी घरे व जमिनी वगैरे गरजेचे असते एवढे बोलून माझे भाषण संपवते.

फार छान! मला दिसतात फोटो.

व्वाह संक्षी, एकदम दिलखुश केलंत.

आमच्यासाठी अँबी व्हॅली म्हणजे चंद्रासारखी, म्हणजे दिसते पण तिथे पोचले जात नाही. कोरिगडाच्या तटाबुरुजांवर रात्री बेरात्री उभे राहून खालचे अँबी व्हॅलीतले चमचमते लाईट्स बघूनच धन्यता मानत आलोय.

छान आहे! परदेशात गेल्यासारखं वाटलं.

सुंदर छायाचित्रे.

शॅले अप्रतिम आहे. रुम मधील पेंटींग्ज, पर्दाकारी, रंगसंगती अभिरुचीपुर्ण आहे. कूठेही भडक होत नाही. खिडक्यांतुन डोकावणारा निसर्ग लोभसवाणा आहे. पण युरोपीयन कॅापी ला भेदून जाईल अशी ओरीजीनल डीझाइन ,निर्मीती शक्य असुनही व्यावसायीक दबावात टाळलेली असावी. अर्थात या मर्यादीत फोटोवरून प्राथमिक अंदाज फक्त. अॅम्बी शब्दाचा अर्थ काय असावा ?
इथे एकदा निवांत आठवडा राहु, दिल चाहता है !

अँबी व्हॅलीचा संचालक माझा जुना रुग्ण होता. त्याच्या आग्रहाच्या आमंत्रणावर तेथे जाता आले असते. धनदांडग्या लोकांच्या पैशाचा खेळ होता/आहे.३९००० कोटी रुपयांचा प्रकल्प परंतु एकंदर ज्या तर्हेने हा प्रकल्प उभा केला / राहिला ते वाचून मनात एक तर्हेची अढी बसली आहे.कित्येक वेळेस सरकारी कर दिला नाही. बरीच थकबाकी आहे/ होती. त्यामुळे तेथे गेलो नाही कि त्याबद्दल कुतूहल राहिले नाही.अँबी व्हॅलीला थकबाकी बद्दल सील करण्यात आले होते. दुष्काळात पाण्यावर डेरा जमवून बसल्याबद्दल त्यावर पर्यावरण वाद्यांनी बराच मोहोळ उठवला होता.
सध्या या प्रकल्पावर सर्वोच्च न्यायालयाने जप्तीची टाच आणली आहे. अधिक लिहीत नाही.
इच्छुक लोक तेथे जाऊ शकतात. रुपये १२०००/- चोवीस तासासाठी.
https://www.hopintown.com/activity/Spanish-Cottage---1-Night-Escape-to-A...
रुपये ८४००/- २४ तासासाठी
https://www.hotelscombined.in/Hotels/Search?hotelID=1636503&destination=...

सगळी पाश्च्यात शैली कॉप्य पास्ते मारलेली आहे , वर्जीणाल काही नाही
pinterest वर अशी लाखोने लोकेशन सापडतील

Mumbai Airport चे डिझाईन जसे युनिक आहे तसे अस्सल भारतीय काहीतरी हवे होते
बाकी लेखात उगाच देवनागरी लिपीत इंग्लिश लिहून जो काही सत्यानास केलेला आहे त्याबद्दल धन्यवाद

वाईट गोष्टींचेही उदात्तीकरण करण्याचे दिवस आलेत तर.

"बियाँड दि हेवन " बांधणारे "आत" मधे का आहेत ?

खरच खुप सुंदर प्रकरण दिसतय.

सुंदर दिसतंय हे प्रकरण! इथे अनुभव सांगितल्याबद्दल धन्यवाद

Taj mahal . Tax & Military canteen tax free alchohol

तुम्ही गेलात म्हणजे ते हेवनच झालं असणार. एकही फोटो दिसला नाही हेच आमचं सुदैव!!

<<सगळी पाश्च्यात शैली कॉप्य पास्ते मारलेली आहे , वर्जीणाल काही नाही>>

काही वर्षांपूर्वी अँबी वॅली त राहण्याच्या योग्य आला
अर्थात हेमंत८२ म्हणतात तसा .. कंपनीच्या खर्चाने

तेथे स्विस कॉटेज मध्ये राहिलो ... आता स्विस कॉटेज म्हटले कि पाश्चत्यच असणार .. नाईलाज आहे

मायोव..
कसलं हाय राव.

स्वामीजी आणि बियाँड हेवन म्हणजे...

बासुंदीमधे काकवी घालून व पेढे कुस्करून केलेले पाकातले गुलाबजाम खाल्ल्याचा फील आला.

#फीलींग एकदम गोग्गोड

मला आवडलं हे हेवन. लवासा त्याची भ्रष्ट नक्कल आहे का? कर्नाटकचं विधानभवन खर्चिक म्हणून टीका झालेली. अजून पाहिलं नाहीये. चंदनाचे दरवाजे आहेत.
सुरुवातीला बारा घरं ( त्यावेळी प्रत्येकी दोन कोटी रुपयांची) बारा क्रिकेटविरांना फुकट दिलेली होती म्हणतात. सचिन अर्थात आहेच त्यात.
परदेशी बड्या पाहुण्यांचं स्वागत इथे केलं जातं गुपचुप. दिल्लीत असल्यास जयपुरच्या महालांत असतात. थेट हेलिकॅाप्टरने येजा असल्याने कुणास पत्ता लागत नाही.
आम्ही गळे काढून का रडावं?

खूपच सुंदर प्रकाशचित्रे आहेत. बघून डोळे दिपले. अ‍ॅम्बी व्हॅली म्हणजे एकदम भारी स्थळ दिसतंय.

आमच्यासारख्यांना तिथे ३-४ दिवस रहायची सोय आहे का? सोय असल्यास दररोज अंदाजे किती खर्च येईल?

मात्र त्यानंतर इतर अनेकांचा जर प्रोजेक्ट मध्ये
प्रामाणीक सहभाग
कठोर परीश्रम
सर्जनशीलता इ.
मानवी गुणांचा मिलाफ होवुन जर एक सुंदर मानवी निर्मीती झाली.
तर ते सर्व बाजुला सारुन सडक्या मुळ पुरुषाकडे दोष देणे तसे चूक नाहीच मात्र
इतर मालक नसले तरी त्या रचनेत जीव ओतलेल्या घटकांच्या कर्तुत्वाची
ही एक उपेकशा आहे.
उदा मिसळपाव या संसथळा. ची निर्मीती केलेल्या मालकांनी (समजा एक काल्पनीक उदाहरण धेतोय ) समजा काही आर्थिक गैरव्यवहार केला असे कळले म्हणुन इथे ज्या कोणी मन लावुन अनेक सुंदर लेख कविता आदी दर्जेदार साहीत्याची निर्मीती केली ती धुळीत मिळाली वा ते सर्व एका झटक्यात व्यर्थ झाले असे मानणे चुक वाटते. कींवा या कारणाने मिसळपाव विषयीच अढी बाळगणे हे म्हणजे जरा जास्तच ग्रेसफुल वाटते. मी ताज बघणार नाही असे कवी ग्रेस म्हणतात त्या टाइप टच्ची

वाह ! मजा आ गया. मस्त सफर घडवलीत संक्षी. जायलाचं हवे कधी तरी.

अवांतर : मुळशी जवळचं 'जलसृष्टी' आणि 'मल्हार माची' हे रिसॉर्ट्स सुद्धा साधारण असेचं आहेत, अँबी इतके मोठे नक्कीचं नाहीत परंतु वर्थ गोइंग.
'जलसृष्टी' पावसाळ्यात बंद असते कारण ते मुळा नदीत असलेल्या एका नैसर्गिक बेटावर आहे जे पावसाळ्यात पाण्याखाली जाते.

लवासा "उभी" करताना स्थानिकांची घरे आणि निसर्ग ह्यांची जशी धूळधाण केली तशी ही व्हॅली "उभी" करताना केली असेलच ना? असेल तर, जलविहार आणि बाकीचे सगळे विहार करताना ह्या कटू सत्याची आठवण होते का?

समस्त शहरी माणसांच्या जगण्यामुळे निसर्गाचा र्‍हास निरंतर होतच आहे. तेव्हा फुकट दांभिक बाता मारुन कोणाच्या आनंदात हिरीरीने अपराधीभावाचे मीठ घालण्यात लोकांना कोण आसुरी आनंद मिळतो कोण जाणे..?

शहरात राहा की अ‍ॅम्बी वॅली - लवासात, पर्यावरणाचा र्‍हास काही चुकत नाही. महाबळेश्वर ते लेह-लदाख,हिमालयात जाणारे निसर्गप्रेमी पर्यटकही पर्यावरणाच्या नुकसानाला हातभार लावत असतात असे वाचून आहे.

बाजारातून एकही वस्तू विकत न आणणारे, कोणत्याही प्रकारच्या शहरी घरांमध्ये न राहणारे, एक ग्रॅमही कचरा घराबाहेर न जाऊ देणारे, कोणत्याही शहरी सुविधांचा-वाहतूक सोयींचा वापर न करणारे, घरात वीज न वापरणारे, कपडे न धुणारे, एसी-फ्रीज न वापरणारे, प्लास्टीक वस्तू न वापरणारे, पुस्तके न विकत घेणारे, वगैरे वगैरे पर्यावरणास घातक असं सर्व न करणारे कुणी असतील तर त्यांनाच असे पर्यावरणप्रेमाचे उपदेश करण्याचा नैतिक अधिकार असावा.

४३ चौकीमीच्या अ‍ॅम्बीवॅलीत झालेल्या थोड्याशा निसर्गहानीवर तोंडसुख घेणार्‍या, ४८० चौरस किमी च्या क्षेत्रातल्या निसर्गाची प्रचंड हानी करुन उभारलेल्या पुण्यात राहणार्‍या लोकांना या कटू सत्याची जाणीव २४ तास सतत राहत असेल असा माझा भाबडा विश्वास आहे.

असो.

------------------------------

संक्षि, लेख चांगला,
पाश्चात्त्य डिझाइन्स भारतीय भूमीत आवडत नाहीत ते एक आपली चॉइस.

फोटो काय अप्रतिम आहेत हो हे. मस्तं अनुभव शेअर केलाय इथे. बाकी निगेटिव्ह कमेंटिंना फाट्यावर मारा. लेकचे वगैरे फोटो असतील तर तेही येउ द्या.

बरयाचदा गेलोय ऍम्बी व्हॅली ला . तथाकथित पर्यावरण रक्षकांना एक सांगतो तिथे शेतकरी वैगरे नव्हता हो त्या भागात . कोणाला उजाड उध्वस्त करून तो प्रोजेक्ट नाहीये . निसर्गाची हानी म्हणजे काल काश्मीर मध्ये बोगदा झाला अनेक वर्षांपासून काम चालू होते . तेव्हा म्हणायचं हे गरजेचं आहे . आणि ऍम्बी व्हॅली अली कि म्हणण्याचं निसर्गाचं नुकसान . अशी कित्येक उदाहरणे सांगता येतील . लवासा बाबतीत पण तेच आहे . आवाज उठवणारे आता गप्प आहेत नर्मदा आंदोलन वाले . निळू दामले ह्यांचं लवासा पुस्तक वाचा किंवा एकदा खरी परिस्थिती जाणून घ्या. अचानक भाव वाढल्यावर पडीक जमिनीसाठी काय दर लावले . ह्याला कोणी एक जबाबदार नाहीये . सगळेच जबाबदार आहेत . वृत्ती असली कि सगळेच तसं करतात . अजित गुलाबचंद ह्यांच्यासारख्या माणूस हताश झाला लवासा मूळे झालेल्या राजकारणाने . सांगायला खूप गोष्टी आहेत तूर्तास थांबतो .

विश्वंभर चौधरींकडून पण ऐकलीये दुसरी बाजू .मी माझ्या दृष्टिकोनातून बोलो. सगळ्याच वेळी पर्यावरण नाही बोलू शकत आपण . फार कमी प्रोजेक्ट महाराष्ट्रात इतक्या विस्तीर्ण जागेवर तयार झालेत . ह्यासाठी म्हटलं . काळजी प्रत्येकाला आहे पण नियम असतात कॉर्पोरेट कंपन्यांना जितकी झाडे तोडली तितकी लावा किंवा पर्यावरण निधी साठी मदत करा असे बरेच ऍक्ट असतात .

आंबी नदीचे खोरे ती आंबी वॅली असे कोणीतरी सांगितलेले आठवतेय. शिवाय स्पेलिंग मध्येसुद्धा सुरुवातीचा'आ' उच्चार दर्शवणारे डबल ए (दोन ए) आहेत.

सरांनी एखादी गोष्ट केली म्हणजे भारीच असणार, इतर कोणी केली तर फालतूच. एखादा स्वित्झर्लंडला जाऊन आला तरी त्याचं आयुष्य वाया जात असणार पण सर आंबी व्हॅलीला जाऊन आले म्हणजे आहाहा.... वर गावडेजी विचारत होते "त्यावेळी तुम्ही ऑफिसच्या पैशाने "हेवनला" जेवण्याचा अनुभव दुय्यम दर्जाचा ठरवला होता. तुमचा हा आताचा अनुभवही तसाच कॉम्प्लिमेंटरी असल्याने दुय्यम मानावा काय?". पण आपण कोणाला विचारतोय याचे त्यांना भान नसावे. अहो सर एकटेच काम करत असूनही त्यांच्या असिस्टंटने काँप्लिमेंटरी पिकनिक अरेंज केली होती, आहात कुठे? तुम्ही आम्ही तर एक साधे नोकर आणि कंपनी कुठे तरी पाठवते किंवा पार्टी देते त्यात काय विशेष? फरक लक्षात घ्या भाऊ. सरांनी नुसता श्वास घेतला तरी तो उत्सव असतो आणि बाकीचे श्वास घेतात तो म्हणजे नाईलाज हो. देवाने नाक दिलंय आणि बाहेर हवा असतेच, ती उगाच आत बाहेर करत राहते.

बाकी ते फोटू दिसत नाहीयेत त्यामुळे त्यावर बोलू शकत नाही हे जाहीर करतो नाहीतर उगाच इतक्या चांगल्या माहितीपूर्ण आणि समस्त जगाला उपयोगी पडणाऱ्या धाग्यावर अवांतर बोलल्याबद्दल आरोप व्हायचे.

बाकी समस्त मिपाकरांनी हे लक्षात ठेवा की धाग्यावर असे ढिस्क्लेमर लावत जा, नाहीतर सर कुठल्याही धाग्यावर त्यांचा उत्सव साजरा करू शकतात.

सुंदर प्रचित्रे अन सुरेख लेखन !
संक्षीसर, मझा आ गया !व

इथं कधी मिपाकट्टा केला तर सांगा, आपण येका पायावर तैय्यार !

फोटो छान.. आवडले.

छान फोटो!
उत्कृष्ट सोयी सुविधा असणारच आत मध्ये पण यापेक्षा थोडा वेगळा अनुभव घ्यायचा असेल तर वायनाड ला जावा!
रिसॉर्ट ची लिंक

एक्दम क्लास! वायफाय वगैरे सोयी देत नाहीत ते अगदी टीव्ही देखील नाही... निसर्गाच्या जवळ इलेक्ट्रॉनिक उपकरणे जरा बाजूला ठेऊन मजा घेण्याची कल्पना आहे त्यांची... काही फोटो देतोय खाली बघा.. तुम्हाला आवडेल कदाचित हे ठिकाण!

याच्या खाली टोटल काच आहे पारदर्शक! आणि खाली खाजगी पूल! :)