सालं, आज जीव कासावीस झालाय

खिलजि's picture
खिलजि in जे न देखे रवी...
27 Apr 2018 - 7:32 pm

सालं, आज जीव कासावीस झालाय

तिकडं अकरा कळ्यांचा विनाकारण बळी गेलाय

आज मी पण एक बाप आहे

पण खरं सांगू मित्रानो

या देशात बाप होणं , श्राप आहे

केलं असेल त्यांनीही त्यांच्या मुलांना टाटा बाय बाय

त्यांना थोडंच ठाऊक होतं

पुढे होणार आहे काय ?

त्या माउलींचा तीळतीळ तुटला असेल जीव

पण इथे कोणालाच पडली नाही आहे त्याची जाणीव

आजूबाजूच्या लोकांनी केली असेल चौकशी

आपली मुलं कुठे आणि आहेत कशी ?

जो तो आपापलं बघून सांत्वनाला गेला असेल

थोडा वेळ रडेल तिथं आणि परत कामाला लागेल

त्या मायबापाचे अश्रू असेच ओघळत राहतील

बाराव्यानंतरही आणि भरणीलाही

पुन्हा कुठे तरी अजून कळ्या खुरडल्या जातील

बातम्या अश्याच येत राहतील

बातम्या अश्याच येत राहतील

हि श्रद्धान्जली त्यांना नाही वाहत आहे मी देवा

हि तुला वाहतोय

थांबव हे सारं , थांबव

नाहीतर तुझंच श्राद्ध घालेन म्हणतोय

{{{सिद्धेश्वर विलास पाटणकर }}}

अभय-काव्यइशारागरम पाण्याचे कुंडमांडणीविडंबन

प्रतिक्रिया

पद्मावति's picture

27 Apr 2018 - 11:46 pm | पद्मावति

फारच दुर्दैवी घटना
ड्राइवरने इयरफोन्स लावले होते. समोर ट्रेन बघून मुलं जिवाच्या आकांताने ओरडून त्याला सावध करत होती पण त्याला ऐकूच आले नाही :(

श्वेता२४'s picture

28 Apr 2018 - 10:21 am | श्वेता२४

शब्दच नाहीत

डॉ सुहास म्हात्रे's picture

28 Apr 2018 - 12:06 pm | डॉ सुहास म्हात्रे

:(

दुर्गविहारी's picture

1 May 2018 - 11:17 am | दुर्गविहारी

चटका लावणारी कविता. असेच सकस लिखाण येउ देत.

खिलजि's picture

2 May 2018 - 1:02 pm | खिलजि

धन्यवाद

सिद्धेश्वर विलास पाटणकर