सर्व मिपाकरांना विनंती, वारंवार सूचना देऊनही 'चालू घडामोडी' आणि इतरही काही धाग्यांत व्यक्तिगत पातळीवर केली जाणारी टीका दिसून येते. पक्षांचे प्रमुख, पक्ष यांच्यावर केल्या जाणा-या टिकाही संयमित असाव्यात अशी अपेक्षा आहे, नव्या कायद्यांमुळे संकेतस्थळावरील सर्वांचा वावर कायद्यातील नियमाबरोबर, सार्वजनिक संस्थळावरील सभ्यतेचे किमान निकष पाळणारा असावे असे मिपा व्यवस्थापनाचे मत आहे, यापुढे असे आढळून येत राहिल्यास कोणतेही स्पष्टीकरण न देता असे प्रतिसाद, धागे सरसकट अप्रकाशित केल्या जातील किंवा खाते निष्कासित करण्यासारखी कठोर कारवाई केली जाईल याची सर्वांनी नोंद घ्यावी व सहकार्य करावे.

- मिपा व्यवस्थापन


करोनात्रस्त त्रागा

Primary tabs

आनन्दा's picture
आनन्दा in जे न देखे रवी...
13 Oct 2020 - 3:48 pm

संदीप खरे यांची क्षमा मागून,
चाल - मी हजार चिंतानी हे डोके खाजवतो

करोनामुळे काही लोक पूर्ण घरात बसून आहेत, सगळी काळजी घेत, आणि काही लोक सगळे नियम धाब्यावर बसवून फिरतायत, त्यावरून झालेला वैताग आता कवितेतून व्यक्त होत आहे

मी नाकावरती दहा मुखवटे आवळतो
तो उघड्या नाकपुड्यानी गावातून फिरतो

मी दाव्याच्या बैलापरी झालो बंदी
तो उनाड रेड्यापरि धावे स्वच्छंदी
मी दाव्यावरती पाय गंजवित बसतो
तो उघड्या नाकपुड्यानी गल्लीत फिरतो

डोळ्यात माझिया पोलीसांची भीती
असते डोक्यावर हेल्मेटही चिलखती
तो त्याच पोलिसांनाही खुन्नस देतो
तो उघड्या नाकपुड्या आम्हाला हसतो

मी शिंकेच्या आवाजाला घाबरतो
अन दारे खिडक्या लावून घरात लपतो
तो त्याही आवाजाला देऊन संगीत
टिकटॉक बनवून रोज व्हायरल होतो

मी मोजून सोशल distancing ची खोली
पट्टीने मोजून हात, बोलतो बोली
तो सरळ तोडूनी लाईन घुसतो आणि
वाण्याच्या हातून घेऊन जिन्नस जातो

हे सगळे होऊन पण, शेवटी या काळजी घेणाऱ्या माणसाला करोना झालाच, मग तो वैताग आता त्याने व्यक्त केला आहे.. एवढ्या वेळात याने दुसऱ्या माणसाला *फाटकी चड्डी* च्या धर्तीवर *उघड्या नाकपुड्या* असे नाव देऊन टाकले आहे.. हा माणूस करोना होऊन 21 दिवस हॉस्पिटलात जाऊन आला, पण उघड्या नाकपुड्या मात्र अजून फिरतोच आहे..
आता बघा तो वैताग कसा व्यक्त होतो!!

मी करी मुखवट्यांचाच नवा शृंगार
पण तरी करोना करे मजवरी वार
तो "उघड्या नाकपुड्या" सर्वांना छळतो
का कळे करोनाही त्याला घाबरतो

- आनंद वैद्य

विनोद

प्रतिक्रिया

सॅगी's picture

13 Oct 2020 - 5:09 pm | सॅगी

आवडली..

उपयोजक's picture

13 Oct 2020 - 6:48 pm | उपयोजक

जमलीय!

सतिश गावडे's picture

13 Oct 2020 - 6:57 pm | सतिश गावडे

हाहा. त्रागा मस्त व्यक्त केला आहे.

वीणा३'s picture

13 Oct 2020 - 9:16 pm | वीणा३

मजेशीर :D

दुर्गविहारी's picture

14 Oct 2020 - 7:15 am | दुर्गविहारी

भारी लिहिले आहे. :-)

आनन्दा's picture

14 Oct 2020 - 8:36 am | आनन्दा

धन्यवाद!!

डॅनी ओशन's picture

14 Oct 2020 - 8:39 am | डॅनी ओशन

हिही

गोंधळी's picture

14 Oct 2020 - 10:57 am | गोंधळी

खरेच आहे, त्रागा होणारच.