मार्केट?

दिखाउ तेजी कशावरून?

१.अमेरिकेत ओबामा प्रशासन हे आउटसोर्सिंगच्या विरोधात धोरणे आणत आहे वा राबवत आहे. त्याचा मोठा फटका भारतीय बीपीओ व आय टी कंपन्यांना बसु शकतो.
२.अमेरिकेतील बॅकिंग व इतर आर्थिक संस्था ह्या प्रचंड घाट्यात गेलेल्या आहेत. त्यामुळे अर्थविषयक सेवा पुरवणा-या भारतीय आय टी कंपन्यांचे भवितव्य अधांतरी झालेय.
३.ऑटोमोबाईल क्षेत्रात युरोप व अमेरिकेत प्रचंड मंदी आहे.
४.एकंदरीत जागतिक बाजारपेठेत गुंतवणुकदारांचा आत्मविश्वास कमी झालाय.
५.भारतातील सत्यमची पडझड हि देखील ताजी आहे.
६.क्रुड ऑइलचे भाव कमी झाल्याने आखातातील अनेक देशांची अर्थव्यवस्था ढासळली आहे.
७.मार्च ते एप्रिल च्या काळात सरकारने कुठलेहि नवीन धोरणात्मक निर्णय घेतलेले दिसत नाहित.

हे सर्व घडत असताना कुठल्याहि सकारात्मक घडामोडिंशिवाय बाजारात ४००० ते ४५०० च्या आसपास उसळी येते हे सहज पटत नाही.
निवडणुकिच्या निकालानंतर बाजाराच्या पहिल्या दिवशीच अप्पर सर्किट लागले होते.
स्थिर सरकार आल्याच्या आनंदात हि तेजी आल्याचे सांगण्यात आले होते.
मुळात आधीचे सरकार अस्थिर होते का?
अणु करारावरून डाव्यांनी काढलेला पाठिंबा व ती उणीव सपाच्या माध्यमातून भरून काढून जुने सरकार हे मित्रपक्षांच्या विशेष कुरबुरीशिवाय
व्यवस्थित चालले होते.ह्याच सरकारच्या काळात बाजार २१००० च्या आसपास पोहोचला होता व ह्याच सरकारच्या काळात तोच बाजार एका वर्षात १३००० अंशानी खाली पडला होता.
मग हेच सरकार पुन्हा सत्तेवर आल्यावर बाजारात इतकी तेजी कशी काय?
ओबामा निवडून आल्यावर देखील अमेरिकेत इतकी तेजी दिसून आली नाहि.

ह्या सर्व गोष्टि बारकाइने पाहिल्यावर मला तरी हि तेजी "दिखावु" वाटते.

अभिज्ञ.

--------------------------------------------------------
पॉझिटिव्ह थिंकिंग....? अजिबात जमणार नाहि.