! पाऊस !
नभ आलं अंधारुन
वाराही झाला बेभान
टप टप टपोर्यांची
झाली भुमीवर पखरण,
जाणुनी भेटी लागी आस
भुमी कुशीत घेई त्यास
मृदगंध तो दरवळे
लागे एकमेका सहवास,
थेंब कुशीत हो निजला
रोपें अंकुर हो धरला
नवथर अवनीने
शेला हिरवाईचा हो ल्याला,
वीज कडाडुन घेई तान
रानी मोरपंखी कमान
ढवळ्या पवळ्याच्या हो घुंगरांसंगे
शेते नांगरु वेगानं,
आला पाऊस पाऊस
वारा सांगे दाहो दिशांनी
धान पेरा रे धान पेरा
बळीराजाच्या हो कानी
बळीराजाच्या हो कानी.
प्रतिक्रिया
14 Jun 2020 - 4:23 pm | गणेशा
मस्त..
हा नविन format कसा केलाय?
14 Jun 2020 - 4:25 pm | प्रमोद देर्देकर
सगाची कृपा. कंकाच्या धाग्यावर पहा त्याने उदा. दिलंय
14 Jun 2020 - 4:36 pm | सतिश गावडे
आणि मी जे CSS box shadow चे उदाहरण दिले होते त्याचा कल्पक वापरही.
14 Jun 2020 - 7:10 pm | प्रचेतस
मस्तच हो प्रमोदशेठ. खूप दिवसांनी लिहिलेत.
लिहीत राहा.
14 Jun 2020 - 7:17 pm | प्राची अश्विनी
सुरेख!
14 Jun 2020 - 9:30 pm | मन्या ऽ
आवडली..
15 Jun 2020 - 8:18 am | ज्ञानोबाचे पैजार
हिरवा शेला ल्यालेली ही पाउस कविता आवडली
पैजारबुवा,
17 Jun 2020 - 4:19 pm | कौस्तुभ भोसले
मस्तच सुरेख
17 Jun 2020 - 4:34 pm | कंजूस
हिरव्या चौकटीत पावसाची कविता!!
आवडली. आइडिया आणि कविता.
18 Jun 2020 - 11:56 pm | अत्रुप्त आत्मा
वाह!