आव नको की ठाव नको
जड टोपण नाव नको
सरड्या सारखे असुदे जीवन
कुंपणापर्यंतही धाव नको
उगीच तुम्ही मोठे व्हा
मोठे होणे जपत रहा
पडला का कुठे डाग
नीट ते शोधून पहा
पाषाणातून देव नको
टाकीचे मग घाव नको
चार चौघात फिरताना
मिळणारा तो भाव नको
मंदिराचा कळस मोठा
देवा सारखा मान खरा
नको अलिप्त मोठेपणा
मी पायरीचा दगड बरा
नको रेशमी वस्त्र भरजरी
समारंभात घालायला
असुदे मी रूमाल सुती
जखमेवरती बांधायला
का अथांग सागर व्हावे
खारटपणाचे दोष घ्यावे
होऊन मी इवलासा झरा
तहानलेल्यास घोट द्यावे
कशास मग ते मोठे व्हावे?
आतून आतून रिक्त रहावे
भले वाटते छोटे व्हावे
गरजे साठी धावूनी यावे
प्रतिक्रिया
11 Jun 2020 - 11:07 am | रातराणी
सुरेख!!
11 Jun 2020 - 11:44 am | चांदणे संदीप
मस्त लिहिलेय. आवडले.
सं - दी - प
11 Jun 2020 - 12:56 pm | मूकवाचक
+१
11 Jun 2020 - 11:57 am | ज्ञानोबाचे पैजार
जबरदस्त द्वैअर्थी कविता,
जितके सोज्वळ शब्द आहेत तेवढीच चावटही आहे. (अर्थात कोणता अर्थ घेउन वेंजॉय करायची हे वाचकाच्या दृष्टीकोनावर अवलंबुन आहे)
जिओ लैच आवडल्या गेली आहे.
पैजारबुवा,
11 Jun 2020 - 12:17 pm | प्रचेतस
=))
अगदी अगदी.
11 Jun 2020 - 5:02 pm | प्रसाद गोडबोले
कविता सुंदर आहेच शंकाच नाही
का अथांग सागर व्हावे
खारटपणाचे दोष घ्यावे
होऊन मी इवलासा झरा
तहानलेल्यास घोट द्यावे
>>> =))))
13 Jun 2020 - 12:28 pm | मनोज
आपल्या प्रतिक्रिये मुळे आणखी लिखाण करण्यास प्रेरणा मिळेल. धन्यवाद !
11 Jun 2020 - 12:43 pm | प्रा.डॉ.दिलीप बिरुटे
आवडली कविता.
-दिलीप बिरुटे
11 Jun 2020 - 12:52 pm | प्रमोद देर्देकर
मस्त आवड्ली.
11 Jun 2020 - 3:19 pm | गोंधळी
+१
11 Jun 2020 - 4:13 pm | सस्नेह
छान कविता !
11 Jun 2020 - 5:57 pm | बबु
जिव्हाळा जपणारी लव्हाळी कविता... मस्तच.
11 Jun 2020 - 11:15 pm | सत्यजित...
छान! लिहीत रहा.
12 Jun 2020 - 7:13 am | अभिजीत अवलिया
आवडली कविता.
12 Jun 2020 - 9:01 pm | वीणा३
सुंदर अर्थपूर्ण कविता !!!
13 Jun 2020 - 12:29 pm | मनोज
सर्वांचे मनःपूर्वक धन्यवाद
13 Jun 2020 - 3:09 pm | नावातकायआहे
आवडली कविता! लिहित रहा!
13 Jun 2020 - 9:43 pm | रुपी
सुरेख!