तुम्हाला तर माहितीच आहे ... कथा खरंच पूर्णपणे काल्पनिकच आहे. वस्तुस्थितीशी ह्याचा अजिबात काहीही संबंध नाही ... आणि देव करो, आणि कधीच काही संबंध येऊ पण नये ... बाकी तुम्ही सगळे सूज्ञ आहातच ... ------------------ प्रोजेक्ट डेमो नंतर काही काळाने ... "मानलं तुम्हाला डॉक्टर, खरंच जबरदस्त आहे तुमचं डिझाईन. तुमचा विशेष सन्मान केला जाईल ... गुप्तपणे ..." "थँक्यू सर ..." "तुमच्या औषधाने पण चोख काम केलं आहे." "थँक्यू सर ... पण आपण ते औषध इतर देशांना का नाही विकत ? आपल्या देशाला खूप आर्थिक फायदा होईल ..." "तुम्हाला म्हणून सांगतो डॉक्टर, जगात दोन भाग आहेत. एक शत्रू आणि दुसरा बाजारपेठ. ... औषध तेव्हाच बाजारात आणायचं जेव्हा शत्रू पूर्णपणे कोलमडले असतील आणि बाजारपेठ इतकी भेदरलेली असेल की आपण सांगू त्या किमतीला औषध विकत घेतलं जाईल" "आणि मित्र ... ?" "राजकारणात कोणी मित्र नसतो डॉक्टर, काही लोक कधीकधी फायदेशीर असतात इतकंच !"