यशाचे आता गा मंगल गान

पाषाणभेद's picture
पाषाणभेद in जे न देखे रवी...
25 Nov 2019 - 10:17 pm

यशाचे आता गा मंगल गान

विजय मिळाला, आनंद झाला,
यशाचे आता गा मंगल गान
बिगूल वाजला, रणभेरी वाजल्या,
समरगीत गावूनी घ्या तानेवरती तान ||धृ||

बलाढ्य असा तो शत्रू होता,
तोफा बंदूका शस्त्रसज्जता
फंद फितूरी किती करविली,
अंती आपणच ठरलो विजेता
विजयाचे गीत म्हणा आता, अन नर्तन करा बेभान ||१||

युद्धखोरपणा उगा नका दाखवू,
शत्रृ रणांगणी पाहून घेवू
युद्धभुमी प्रिय आम्हा वीरांस,
लढता लढता मरण पत्करू
शरणागती नसे कदापी, ध्वजासवे उंच करू आमची मान ||२||

- पाषाणभेद
२५/११/२०१९

देशभक्तिसमुहगीतवीररससंगीतकविता

प्रतिक्रिया

मुक्त विहारि's picture

26 Nov 2019 - 4:13 pm | मुक्त विहारि

आवडली. .