पुस्तक

दिनेश५७'s picture
दिनेश५७ in जनातलं, मनातलं
29 Aug 2019 - 10:02 am

अलीकडेच माझ्या मनात एक विचार आला. पुस्तक लिहायचा. या पुस्तकाची संकल्पना मी तुम्हाला सांगणार नाही. पण हे नक्कीच वेगळ्या धाटणीचे पुस्तक ठरावे असा माझा प्रयत्न होता.
कधीकधी पुस्तकाचे नावच त्याचा गाभा उलगडून दाखविते.
म्हणून पुस्तकातील पहिल्या लेखाचे पहिले अक्षर लिहिण्याआधी मी पुस्तकाचे नाव निश्चित केले... ‘युद्ध आमुचे सुरू!’...
ज्या डायरीत माझे हे संकल्पित पुस्तक हस्तलिखित स्वरूपात संपन्न होणार आहे, त्या डायरीच्या पहिल्या पानावर मी झोकदार अक्षरात हा मथळा लिहून टाकला आहे.
‘युद्ध आमुचे सुरू!’
... आज बायकोच्या हाताला ती डायरी लागली, आणि ती घाबरीघुबरी झाली.
तिने गुपचूप ती रद्दीत टाकली, आणि रद्दीवाल्याला फोन केला.
रद्दीवाला आला. बायकोने रद्दीच्या गठ्ठ्यात डायरी मधोमध लपविली, आणि गठ्ठा रद्दीवाल्यासमोर ठेवला.
रद्दीवाला चाणाक्ष आहे. वर्तमानपत्रांचा रद्दीत एकच डायरी पाहून त्याचे कुतूहल चाळवले. त्याने डायरी उचलली, आणि पहिल्याच पानावरचा मथळा वाचला. ‘युद्ध आमुचे सुरू!’...
त्याचे डोळे आत्ता विस्फारले आहेत.
त्याने शांतपणे डायरी परत केली, आणि बाकीच्या रद्दीचे वजन करून पैसे देऊन रद्दीचा गठ्ठा खांद्यावर टाकून तो निघून गेला.
आत्ता ती डायरी हातात घेऊन बायको दरवाजात उभी आहे. निराश नजरेने ती रद्दीवाल्याच्या पाठमोऱ्या आकृतीकडे पाहाते आहे.
वातावरण आणखी तंग होणार हे ओळखून मी पुढे झालो.
ती डायरी घेतली, आणि पहिले पान फाडून त्याचे तुकडे तुकडे करून ते डस्टबिनमधे टाकले.
आता वातावरण निवळले आहे. डायरीही कोरी झाली आहे.
...आणि त्या संकल्पित पुस्तकासाठी दुसरे नाव मी शोधतो आहे!!

मुक्तकप्रकटन

प्रतिक्रिया

प्रा.डॉ.दिलीप बिरुटे's picture

29 Aug 2019 - 10:14 am | प्रा.डॉ.दिलीप बिरुटे

लिहित राहा.

-दिलीप बिरुटे

ज्ञानोबाचे पैजार's picture

29 Aug 2019 - 10:26 am | ज्ञानोबाचे पैजार

"युध्द आमुचे सुरु" या षिर्शका ऐवजी "शेपूट पायी धरु" असे षिर्शक ठेवा
हाकानाका
पैजारबुवा,

राजाभाउ's picture

29 Aug 2019 - 3:22 pm | राजाभाउ

एक नंबर