साहित्य Ingredients:
२ वाटी जाड पोहे(नेहमी पोह्यासाठी जे वापरतो ते पोहे)
१ वाटी मुरमुरे/चिरमूरे
१ लाह्या
हिरव्या मिरच्या ३(आवडीप्रमाणे)
डाळे
शेंगादाणे(भाजून)
डाळिंब
१ वाटी घट्ट दही
मीठ
साखर
कोथिंबीर
तेल/तुप
जिरे
हळद
मोहरी (आवडीप्रमाणे)
काकडी,केळी, सफरचंद (आवडीप्रमाणे)
लोणचे (आवडीप्रमाणे)
क्रमवार पाककृती:
१. पोहे २-३ वेळा पाण्याने स्वच्छ धुवून घ्या(पोहे जास्त भिजवायचे नाहीत फक्त ओले करायचे).
२. एका भांड्यात पोहे , मुरमुरे/चिरमुरे , ज्वारीच्या लाह्या घालून चान एकत्र करुन घ्या
३. आता डाळे , शेंगदाणे (भाजलेले), बारीक चिरलेली मिरची (अर्धी चिरलेली मिरची बाजूला ठेवावी), दही घालून छान मिक्स करा.
४. आता यामध्ये हळद(optional), चवीनुसार मीठ , साखर , डाळिंब घाला
(आपण काकडी, सफरचंद, केळी देखील घालू शकता)
५. बारीक चिरलेली कोथिंबीर घालून मिक्स करा
६. आता फोडणीसाठी कढईत तेल / तुप घाला ,तेल गरम झाले की जिरे, बारीक चिरलेली मिरची घालून १ मिनीट परतून घ्या
७. तयार फोडणी गोपाळकाला मध्ये घालून छान मिक्स करुन घ्या
गोपाळकला तयार आहे
अधिक टिपा:
आपल्या आवडीप्रमाणे आपण यामध्ये काकडी, सफरचंद, केळी देखील घालू शकता
रेसिपीचा पूर्ण व्हिडीओ : https://youtu.be/4JI3IVKWy3o
प्रतिक्रिया
23 Aug 2019 - 4:16 pm | पद्मावति
वाह, मस्तंच. किती छान दिसतंय. बाकी सगळे घटक पदार्थ आहेत माझ्याकडे आत्ता घरात फक्त लाह्या नाहीत. लाह्या नाही टाकल्या तर चालेल का? काही पर्याय सुचवू शकाल का?
23 Aug 2019 - 5:47 pm | Namokar
धन्यवाद .
लाह्या असल्या तर उत्तमच नाही घातल्या तरी चालतील.
नक्की करून बघा :)
23 Aug 2019 - 6:34 pm | जालिम लोशन
वेगळी चव असेल.