चालू घडामोडी : जूलै २०१९

Primary tabs

धर्मराजमुटके's picture
धर्मराजमुटके in काथ्याकूट
3 Jul 2019 - 9:35 pm
गाभा: 

१. भारतात शाकाहारी भोजनालये आपल्या नावामागे / पुढे वेगवेगळ्या पदव्या लावतात.
उदा. प्युअर व्हेज / शुद्ध शाकाहारी / वैष्णव रसोई इ. इ. जसजसे दक्षिणेकडे जावे तसतसे ही पदवी हाय क्लास / हाय क्वालिटी व्हेज अशी बदलत जाते. एका ठिकाणी तर चक्क प्युअर व्हेज आणि नॉनव्हेज अशीही पाटी बघीतल्याचे आढळते.
अशाच एका हाय क्वालिटी भोजनालयाची अखेर होणार काय ?

बातमी : अर्श से फर्श तक: भारत के 'डोसा किंग' के पतन की कहानी

२. अमेरीकेतील संभाव्य मंदीच्या बात म्यांनंतर सोने हा परत गुंतवणू कीचा फायदेशीर पर्याय बनणार का ?

प्रतिक्रिया

डॉ सुहास म्हात्रे's picture

3 Jul 2019 - 10:08 pm | डॉ सुहास म्हात्रे

तुम्ही दिलेल्या बातमीतील डोसा किंगवर झालेल्या कायदेशीर कारवाईचा त्याच्या रेस्तराँमधील अन्नाशी (अन्नाची प्रत, स्वच्छता, इ) काहीच संबंध नाही... तो त्याच्या इतर बेकायदेशीर कारवायांमुळे कायद्याच्या कचाट्यात सापडला आहे.

धर्मराजमुटके's picture

3 Jul 2019 - 10:15 pm | धर्मराजमुटके

पण आपल्याकडे बरेचसे उद्योगधंदे एकखांबी तंबू असतात. संस्थापक / मालक नसल्यामुळे पुढील भविष्य कसे असेल असे मला म्हणायचे आहे. अर्थात मुले धंदा पुढे नेतीलच पण तरी पण एक उत्सुकता आहे. किंवा या नकारात्मक प्रसिद्धीचा काही तोटा होईल किंवा कसे ??

चौथा कोनाडा's picture

3 Jul 2019 - 10:29 pm | चौथा कोनाडा

मी आता काँग्रेसचा अध्यक्ष नाही, आधीच राजीनामा दिला आहे – राहुल गांधी

मी आता काँग्रेस अध्यक्षपदावर नसून पक्षाच्या कार्यकारी समितीने तातडीने बैठक बोलवून नव्या अध्यक्षाची निवड करावी असे राहुल गांधी यांनी बुधवारी स्पष्ट केले. मी आधीच राजीनामा दिला असून कार्यकारी समितीने नव्या अध्यक्षाची निवड करावी असे राहुल यांनी पत्रकारांशी बोलताना सांगितले.

आता काय होइल पुढे ?

अर्धवटराव's picture

4 Jul 2019 - 12:27 am | अर्धवटराव

(कदाचीत) काँग्रेसचं भलं होईल.

NiluMP's picture

4 Jul 2019 - 2:52 am | NiluMP

:-)

कंजूस's picture

4 Jul 2019 - 3:32 am | कंजूस

आर्थिक युद्ध.
कोणत्या देशाने कोणत्या देशाकडून काय विकत घ्यायचं किंवा नाही. १)दमबाजी, २)लादणे, ३)अडवणे, ४)मनाई.

शून्यातून जे विश्व निर्माण करतात ते सर्व परिस्थिती मधून आलेले असतात .
परिस्थिती प्रतिकूल असली तरी त्यांचं मनोधैर्य बिलकुल खचत नाही .
पण त्यांच्या मुलांना सर्व आयते मिळालेलं असतं त्यामुळे त्यांनी संघर्ष केलेला नसतो .
समोर थोडे जरी संकट आले तरी ते सैरभैर होतात .
बऱ्याच उद्योग समूहाच्या वारसा न ची हीच अवस्था .
कोटुंबिक भांडणात नेस्तनाबूत होतात किंवा संकटात

रमेश आठवले's picture

4 Jul 2019 - 11:07 am | रमेश आठवले

राजस्तानात जवळ जवळ सर्व शाकाहारी हॉटेलांवर अमुक पवित्र भोजनालय अशी पाटी असते.

३० जुनला दिल्लीतील चांदनी चौकमधल्या दुर्गा मंदिराच्या परिसरात स्कूटी पार्किंग , दारु पिणे व तिथला घरांच्या जवळ
लघुशंका करण्यार्याला हटकले म्हणुन त्या परिसरात रहाणार्या हिंदु माणसाची ह्या दोन मुस्लिम मुलांशी बाचाबाची झाली. हे झाल संध्याकाळी ते दोघे ३०० - ३५० मुस्लिम लोकांचा जमाव घेऊन " नारा ए तदबीर" , "अल्ला हु अकबर" अश्या घोषणा देत त्या परिसरात रात्री १२ च्या सुमारास दाखल झाले. ह्या वेळेचा फायदा घेत ह्या जमावाने १०० वेर्षापेक्षा जुन्या दुर्गा मंदिरावर हल्ला चढवला व सर्व
मुर्तींची तोडफोड केली. पोलिसांनी मग येउन शांतता प्रस्थापित केली.

३ जुलैला एनडी टीव्हीच्या रविश कुमारला अचानक जाग आली आणि प्राईम टाईम मध्ये त्याने ही बातमी सांगीतली. म्हणे काही
अराजक तत्वांनी मंदिराची मामुली तोडफोड केली. कटाक्षाने मुसलमान हा शब्द टाळला ! १०० वेर्षापेक्षा जुन्या दुर्गा मंदिरावर हल्ला चढवला व त्याची अपरिमीत हानी केली वैगेरे महत्वाची माहिती दिलीच नाही.

नरेंद्र मोदीनी महात्मा न बनता मोदीच राहावे. काँग्रेस मुक्त भारत करण्याच्या नादात मुसलमानांचा विश्वास जिंकण्याचा प्रयत्न करू नये. ठोस निर्णय हेरून लवकरात लवकर राम मंदिर आणि काश्मीरचा प्रश्न निकालात काढावा

अर्थसंकल्प सादर करणाऱ्या निर्मला सीतारमन पहिल्या महिला अर्थमंत्री.

देशाच्या पहिल्या महिला अर्थमंत्री होण्याचा मान १९७०-७१ मध्ये इंदिरा गांधी यांच्याकडे गेला असला, तरी अर्थसंकल्प सादर करणाऱ्या निर्मला सीतारामन या पहिल्या महिला अर्थमंत्री ठरणार आहेत. कारण इंदिरा गांधी पूर्णवेळ अर्थमंत्री नव्हत्या. १९७०-७१मध्ये इंदिरा गांधी यांनी पंतप्रधान असताना अर्थ खातं त्यांच्याकडे ठेवलं होतं. मात्र सीतारामन या खऱ्या अर्थाने पहिल्या पूर्णवेळ महिला अर्थमंत्री ठरल्या आहेत.

न्यू स्पेस इंडिया लिमिटेड नावाच्या शासकीय आस्थापनेची स्थापना.

अमोल निकस's picture

6 Jul 2019 - 9:55 pm | अमोल निकस

न्यू स्पेस इंडिया लिमिटेड नावाच्या शासकीय आस्थापनेचा फायदा काय ? ?

पृथ्वी व्यतिरिक्त दुसऱ्या ग्रहावर जाणे हे तंत्र सर्व देशांना माहीत आहे.
खूप वर्षा पूर्वी माणूस चंद्रा वर जावून आलंय .
इस्रो ला ह्याच्या पुढचे तंत्र शिक्षण ghave लागेल .
आपण विकसित देशांच्या १०० वर्ष पाठी आहे हे सत्य कधीच नाकारू नये..
ती आत्मप्रौढी आहे फक्त मनाला समाधान देईल

गामा पैलवान's picture

7 Jul 2019 - 12:31 am | गामा पैलवान

Rajesh188,

माझ्या मते आपण १०० वर्षं वगैरे पाठीबिठी आजिबात नाही. इस्रोच्या वयाच्या मानाने यशदर बराच जास्त आहे.

आ.न.,
-गा.पै.

वामन देशमुख's picture

7 Jul 2019 - 11:45 am | वामन देशमुख

.>>> पृथ्वी व्यतिरिक्त दुसऱ्या ग्रहावर जाणे हे तंत्र सर्व देशांना माहीत आहे.

- सुदान आणि येमेनला सुद्धा माहित आहे का?

>>> आपण विकसित देशांच्या १०० वर्ष पाठी आहे हे सत्य कधीच नाकारू नये...

- इथे "आपण" म्हणजे भारतीय / इस्रो असं तुम्हाला म्हणायचंय असं मी समजतो. तसा असेल तर तुमच्या मते जे कोणते विकसित देश आहेत त्या देशांनी १९१८ साली, (इस्रोपेक्षा १०० शंभर वर्षांपूर्वी म्हणजे १९१८ साली, नाही का?) एकाच वेळी १०० उपग्रह आकाशात पदार्पित केले होते का?

>>> ती आत्मप्रौढी आहे फक्त मनाला समाधान देईल.

कमालीच्या घातक न्यूनगंडापेक्षा आत्मप्रौढी कितीतरी चांगली, नाही का?

मतमतांतरांचा आदर आहेच, पण म्हणून आपण तथ्यांपासून ढळू नये, नाही का?

Vovager सूर्य माला सोडून पुढच्या प्रवासाला गेले सुद्धा .
आणि त्यांनी जी माहिती पाठवली आहे ती एडिट करून जगाला दिली जाते आहे आणि आपण अजुन चंद्र आणि मंगला भोवतीच अडकलो आहे

डॉ सुहास म्हात्रे's picture

7 Jul 2019 - 12:52 pm | डॉ सुहास म्हात्रे

अवकाश संशोधनामागचा खरा उद्येश काय आहे, हे तुम्हाला खरेच माहीत आहे का ???!!! :)

Rajesh188's picture

7 Jul 2019 - 11:46 pm | Rajesh188

अवकाश संशोधन जे आता पर्यंत झाले आहे त्याची काही percent ch माहिती सामान्य लोकांशी शेअर केली जाते .
पृथ्वी वरील लोकांचे आयुष्य सुखी होण्यासाठी अवकाश संशोधनाचा काडीचा उपयोग नाही .
पृथ्वी च्या कक्षेत फिरून पृथ्वी वर लक्ष ठेवणारे उपग्रह फक्त radio tv,mobile aani lashkari halchali var लक्ष ठेवणे ह्यातच सफल आहे (ते पण जमत नाही .म्हणून world trade center var halla होवू शकला ,,)
पृथ्वी वर होणारी एक सुधा नैसर्गिक आपत्तीचा
पूर्व सूचना ह्या आधुनिक यंत्रणेला देता आली नाही .
विश्वाची उत्पत्ती शोधणे असे काही तरी मोठ्या गोष्टी केल्या जातात .
पण रिअल मध्ये पृथ्वी वर घडणाऱ्या किती गोष्टी का घडतात ह्या प्रश्नाचे उत्तर अजुन तरी अनुत्तरीत आहे

प्रसाद_१९८२'s picture

8 Jul 2019 - 10:27 am | प्रसाद_१९८२

पृथ्वी वर होणारी एक सुधा नैसर्गिक आपत्तीचा
पूर्व सूचना ह्या आधुनिक यंत्रणेला देता आली नाही .

--

तुम्हाला या विषयावर भरपूर अभ्यास करण्याची खूप गरज आहे.

जगाचे सोडा, दोन एक महिन्यापूर्वी भारतातील पूर्व किनार्‍याला धडक देणार्‍या (नाव आठवत नाही) वादळाची पूर्व सूचना मिळाल्यानेच अनेक लोकांचे वेळीच स्थलांतरण करुन त्यांचे प्राण वाचवण्यात यश आले होते.

डॉ सुहास म्हात्रे's picture

8 Jul 2019 - 2:45 pm | डॉ सुहास म्हात्रे

तुमचे बहुतेक प्रतिसाद, त्या विषयाचा अभ्यास न करता लिहिलेले व "मला असे वाटते म्हणून तेच्च वैश्विक सत्य आहे" अश्या प्रकारचे असतात. सद्याचे, अवकाश संशोधन आणि अवकाशप्रवास यासंबंधीचे, प्रतिसादही त्याला अपवाद नाहीत. अभ्यास वाढवायची गरज आहे, यात वाद नाही.

आता तुमच्या माहीतीकरिता, चंद्रावर माणूस पाठवल्यामुळे, तुमच्या कल्पनेपेक्षा खूप जास्त फायदे मानवजातीला झालेले आहेत. त्यापैकी, काही मोठे महत्वाचे फायदे असे आहेत...

1. CAT scanner: this cancer-detecting technology was first used to find imperfections in space components. याचा वैद्यकशास्त्रातला उपयोग सर्वसामान्य माणसांनाही माहीत आहेच.

2. Computer microchip: modern microchips descend from integrated circuits used in the Apollo Guidance Computer. उत्तमोत्तम संगणक बनविण्यास याचा किती उपयोग आहे, हे सांगायलाच हवे काय?

3. Cordless tools: power drills and vacuum cleaners use technology designed to drill for moon samples. तुमचा मोबाईल आणि टीव्ही/एसीचा रिमोट हे यापैकी एक फारच खालच्या स्तरावरचे साधन आहे.

4. Ear thermometer: a camera-like lens that detects infrared energy we feel as heat was originally used to monitor the birth of stars. याचा वैद्यकशास्त्रात उपयोग होतो, हेवेसांन.

5. Freeze-dried food: this reduces food weight and increases shelf life without sacrificing nutritional value. याची अनेक उदाहरणे तुमच्या जवळच्या सुपरमार्केटमध्येच नव्हे तर कोपर्‍यावरच्या दुकानातही दिसतील.

6. Insulation: home insulation uses reflective material that protects spacecraft from radiation. हे वरून दिसत असले नसले तरी त्याचा अनेक घरांच्या बांधणीत उपयोग होतो.

7. Invisible braces: teeth-straightening is less embarrassing thanks to transparent ceramic brace brackets made from spacecraft materials. याचा वैद्यकशास्त्रात उपयोग होतो, हेवेसांन.

8. Joystick: this computer gaming device was first used on the Apollo Lunar Rover. याचा केवळ खेळण्यांतच नाही तर लढाऊ विमानांतही उपयोग केला जातो.

9. Memory foam: created for aircraft seats to soften landing, this foam, which returns to its original shape, is found in mattresses and shock absorbing helmets. हे विमान-चारचाकीच्या बैठका, दिवाणखान्यातल्या बैठकांपासून ते अगदी झोपायच्या खोलीतल्या गाद्यांपर्यंत वापर होणारे तंत्रज्ञान आहे.

10. Satellite television: technology used to fix errors in spacecraft signals helps reduce scrambled pictures and sound in satellite television signals. गावागावात पोचणारा टीव्ही याचमुळे, हेवेसांन.

11. Scratch resistant lenses: astronaut helmet visor coating makes our spectacles ten times more scratch resistant. अत्यंत उच्च तंत्राच्या उपकरणांपासून ते नेहमीच्या वापराच्या चष्म्यांपर्यंत हे तंत्रज्ञान वापरले जाते.

12. Shoe insoles: athletic shoe companies adapted space boot designs to lessen impact by adding spring and ventilation. खेळाडूंसाठी आणि विशेषतः फ्लॅटफूट नावाच्या आजाराने ग्रस्त रुग्णांसाठी या गोष्टीचे किती मोल आहे हेवेसांन.

13. Smoke detector: Nasa invented the first adjustable smoke detector with sensitivity levels to prevent false alarms. सर्वसामान्य घरातील आणि सार्वजनिक जागांमध्ये याचा वापर केलेल्या उपकरणांनी जगभरात किती जीवहानी आणि संसाधनहानी वाचवली आहे याची मोजदाद करणे कठीण आहे.

14. Swimsuit: Nasa used the same principles that reduce drag in space to help create the world’s fastest swimsuit for Speedo, rejected by some professionals for giving an unfair advantage. स्वस्पष्टीकरणात्मक !

15. Water filter: domestic versions borrow a technique Nasa pioneered to kill bacteria in water taken into space. हे तंत्रज्ञान, ऑफिस-रेस्तराँ-घर यांच्यामध्ये आजकाल जवळजवळ अनिवार्य झाले आहे आणि आरोग्याची २४ X ७ काळजी घेत आहे, हेवेसांन.

खास भारताबद्दल बोलायचे झाले तर, वरच्यांमध्ये खालील फायदे मिळवा...

१. गावागावात पोचलेली मोबाईल क्रांती आणि तिचे फायदे

२. गावागावात पोचलेला टीव्ही आणि त्याचे फायदे

३. देशाच्या संरक्षण व्यवस्थेसाठी मिळणारी उपग्रहांची मदत : यात संरक्षक (शत्रूवर नजर ठेवणे) आणि आक्रमक (हल्ला करण्यासाठी मदत) अश्या दोन्ही प्रणाली येतात. उदा: बालाकोटवर केलेल्या हल्ल्याच्या पूर्वतयारीत आणि हल्ल्यात भारतिय उपग्रहांची मदत अमुल्य होती... त्यामुळेच सर्व कारवाई भारतिय सैन्याला शून्य धोक्यासह यशस्वीपणे करता आली.

५. भारताच्या संरक्षण व्यवस्थेत दाखल झालेल्या आणि दिवसेदिवस क्षमता वाढत असलेल्या क्षेपणास्त्रांसंबंधीचे मूलभूत ज्ञान अवकाशतंत्रज्ञानातून विकसित होते, हे वेगळे सांगायला नकोच.

५. उपग्रह वापरून केलेले हवामान अंदाज किती उपयोगी असतात हे सांगायला नकोच... भारताच्या पूर्व व पश्चिम किनार्‍यावर आलेल्या वादळांमध्ये किती जीवहानी व इतर नुकसान टळले, हे माध्यमांत वाचले असेलच.

६. इस्रोने, अवकाशयानांसाठी, लहान आकाराच्या व वजनाच्या पण भरपूर वीज साठविणार्‍या बॅटर्‍यांचे तंत्रज्ञान विकसित केले आहे. ते व्यापारी संस्थांना इलेक्ट्रिक कार आणि इतर उपयोगांसाठी लागणार्‍या बॅटर्‍या बनविण्यासाठी देण्याचे नुकतेच जाहीर झाले आहे. कदाचित तुमच्या पुढच्या वीजचारचाकीसाठी किंवा तुमच्या शहरात चालणार्‍या वीजबसमध्ये हे तंत्रज्ञान वापरले जाईल. :)

असो ही यादी मारूतीच्या शेपटीसारखी वाढत जाणारी आहे.

विस्तारभयास्तव इतकेच मोजके फायदे लिहिले आहेत. सर्व फायदे लिहू गेल्यास पुस्तक लिहावे लागेत. पण, वरील फायदे, माझा मुद्दा पूर्णपणे समजावून द्यायला पुरेसे आहेत.

सबळ माहिती अथवा अभ्यासाशिवाय बेधडक विधाने करण्याने, तुम्ही कळत-नकळत स्वतःची विश्वासार्हता गमावत आहात, हे तुमच्या नजरेस आणून द्यावेसे वाटले म्हणूनच हा प्रतिसाद दिला आहे. बाकी सगळे तुमच्यावर अवलंबून आहे.

Rajesh188's picture

8 Jul 2019 - 3:08 pm | Rajesh188

माझी पोस्ट बिलकुल योग्य नव्हती तर त्या मध्ये बऱ्याच ठिकाणी घोड चुका होत्या .
पण एकदा पोस्ट प्रदर्शित झाल्या नंतर एडिट करायची सोय नाही .
तुमचं म्हणणे योग्य आहे .
पुढे काळजी घेईन
रोखठोक पने चूक दाखवल्या बद्दल धन्यवाद

डॉ सुहास म्हात्रे's picture

8 Jul 2019 - 3:12 pm | डॉ सुहास म्हात्रे

मनाचा मोठेपणा दाखवून चूक कबूल केल्याबद्दल आभार.

मनमोकळेपणे चूक मानणे, ही सुधारणेची आणि विकासाची पहिली पायरी असते.

डॉ सुहास म्हात्रे's picture

8 Jul 2019 - 3:13 pm | डॉ सुहास म्हात्रे

मनाचा मोठेपणा दाखवून चूक कबूल केल्याबद्दल आभार.

मनमोकळेपणे चूक मानणे, ही सुधारणेची आणि विकासाची पहिली पायरी असते.

चंद्रावर सोळा सोमवार करायचे आहेत . संकष्टी होणार नाही.

तिवरे धरण फुटल्या पासून मराठी वृत वाहिन्या चांगल्याच सक्रिय झाल्या आहेत .
रोजच कोणत्या ना कोणत्या धरणातील भिंती मधून होणारी पाण्याची गळती दाखवत नाहीत .
पण ते दाखवताना त्यांच्या कडून मोठी चूक होत आहे असं वाटत .
कारण जी गळती ते दाखवत आहेत त्याचे प्रमाण आपल्या घरात जेवढे नळाला पाणी येते तेवढच असते .
खूप मोठा पाणीसाठा धरणात असताना छोट्या प्रमाणात पाण्याची गळती होणारच पण त्या मुळे धरणाला धोका आहे असा निष्कर्ष जे टीव्ही anchor काढत आहे .
तो शास्त्रीय दृष्टी ने बघितलं तर योग्य नाही .
तर ह्यातील जाणकारांनी
धरणामधून किती प्रमाण पेक्षा जास्त पाणी गळती झाली तर तिला धोकादायक आहे हे समजल जाते ह्या विषयी मत व्यक्त करावे .

हा धागा खासकरून धाग्याचे राजकीय स्वरूप मी लक्ष्यवेध करत असलेल्या विषयाच्या दृष्टीने आजिबातच पोषक नाही. खरे म्हणजे लक्षवेधत असलेल्या विषयास वेगळ्या धागा लेख चर्चेची क्षमता आहे.

'इंग्रजी चित्रप्टातील हिंदूत्व'

मी खाली केलेल्या विवरणापेक्षा लक्ष वेधू इच्छित असलेला गार्डीयनचा लेख स्वतःच अधिक बोलका -सहज समजणारा आहे त्यामुळे सरळ त्या लेख वाचनाकडे गेल्यास अधिक उत्तम

How movies embraced Hinduism (without you even noticing)

१) इथे इंग्रजी चित्रपटातील हिंदू तत्वज्ञान, लोक यांची प्रत्यक्षता नव्हे तर इंग्रजी/पाश्चात्य चित्रपटातील त्यांनी दाखवलेल्या कल्पनात कुठे कुठे हिंदू तत्वज्ञान, संस्कृतीशी अथवा हिंदूपणाशी समकक्षता आढळते ?

२) या शीर्षकातील हिंदूत्व हा शब्द राजकीय अर्थाने नव्हे तर तत्वज्ञान आणि संस्कृती या अर्थाने हिंदूपणा आहे.

३) गार्डियनमधील लेखात म्हटल्याप्रमाणे इंग्रजी/ पाश्चात्य चित्रपट किंवा साहित्यात तुम्हाला हिंदूपणा सादृश्य समकक्षता कधी कुठेआढळल्या का ?

प्रश्न ३ वेगळा धागा लेख काढण्या योग्य आहे इच्छूकांनी अवश्य काढावा.

डँबिस००७'s picture

11 Jul 2019 - 9:10 pm | डँबिस००७

ईंदिरा जयसिंग व ग्रोव्हर यांच्या तर्फे गेले २० 'वर्षे चालवली जाणारी लॉयर्स कलेक्टिव्ह नावाची NGO ला गेल्या वर्षी सरकारने टाळं लावलेल होत . आता ह्या NGO च्या प्रमोटर विरुद्ध CBI ने तपास सुरु केलेला आहे !! ह्या NGO ने आता पर्यंत ८००० कोटी रु परदेशातुन फंड स्वरुपात आणले ! त्या रक्कमेच नक्की काय केल हे ईंदिरा जयसिंग व ग्रोव्हर ह्यांना सांगता आलेल नाही !
ईंदिरा जयसिंग व ग्रोव्हर ह्यांच्या
दिल्ली मुंबई तील सर्व ठिकाणावर एकाच वेळा धाडी टाकण्यात आलेल्या आहेत !
ईंदिरा जयसिंग सुप्रिम कोर्टात वकिल आहेत ! समलैंगिक लोकांच्या हक्काबद्दल लढा देउन सुप्रिम कोर्टातुन आपल्या बाजुने निर्णय करुन घेतला!!
ह्या गोष्टीला समजवुन घेण्यासाठी
ईंदिरा जयसिंग व ग्रोव्हर ह्यांची
पार्श्वभुमि बघावी लागेल !

ईंदिरा जयसिंग व ग्रोव्हर ह्यांच्या
लॉयर्स कलेक्टिव्ह NGO ला AIDS विरुद्ध लढण्यासाठी हजारो कोटी मिळत होते !! पण हाय भारताची AIDS मधली प्रगती फारच स्लो !! हि प्रगती वाढवण्यासाठी खास प्रयत्न करणे
लॉयर्स कलेक्टिव्ह NGO ला गरजेचे ठरले म्हणुन समलैंगिक लोकांच्या हक्का बद्दल ईतका कळवळा !!

डॉ सुहास म्हात्रे's picture

17 Jul 2019 - 8:22 pm | डॉ सुहास म्हात्रे

कुलभूषण जाधव यांच्यासंबंधातील खटल्यात, हेग येथिल आंतरराष्ट्रिय कोर्टाने (International Court of Justice), भारताचे सर्व दावे मानले आणि पाकिस्तानचे सर्व दावे अमान्य केले आहेत. हा आंतरराष्ट्रिय स्तरावर भारताने पाकिस्तानचा केलेला अजून एक मोठा पराभव ठरला आहे.

यामुळे आता,
(अ) पाकिस्तानच्या कांगारू लष्करी कोर्टाने दिलेल्या फाशीच्या निर्णयाला खीळ (स्टे) बसली आहे आणि
(आ) (पाकिस्तान सतत नाकारत आलेली) कुलभूषणशी संवाद साधण्याची (काऊंसलर अ‍ॅक्सेस) परवानगी भारताला मिळेल... अर्थातच, बंद खोलीत लुटुपुटीची केस चालविण्याचा पाकिस्तानचा मार्ग बंद झाला आहे.

यानंतरही, पाकिस्तानसारखे बनेल राष्ट्र सरळ सुतासारखे वागेल याची खात्री नाहीच. पण, आता त्याच्या सर्व बदमाष कारवाया जगासमोर आणून त्याच्यावर सतत दबाव राखणे भारताला सोपे होईल.

अजून लढाई संपलेली नाही पण, या केसमधली ही एक महत्वाची पायरी भारताने जिंकली आहे.

https://timesofindia.indiatimes.com/india/icj-rules-pakistan-must-review...

https://timesofindia.indiatimes.com/india/kulbhushan-jadhav-case-eight-k...

अर्थात हे एक मत पाकिस्तानी juryचे होते.

सुबोध खरे's picture

18 Jul 2019 - 12:47 pm | सुबोध खरे

पाकिस्तान आंतरराष्ट्रीय समुदायाचा कितीह दबाव आला तरीही कमांडर कुलभूषण जाधव याना कधीही सोडणार नाही हि वस्तुस्थिती आहे.

कारण हा त्या राष्ट्राच्या "प्रतिष्ठेचा" प्रश्न बनला आहे. स्वतःच्या जनतेच्या नजरेत आपली स्थिती वाईट होणे हे कोणत्याही राज्यकर्त्याला/ लष्करशहाला परवडणारे नसते.

त्यातून कुभूषण जाधव हे गुप्तहेर होते आणि ते पाकिस्तानच्या अणुकार्यक्रमाची हेरगिरी करायला आले होते आणि आपण कसे त्यांना शौर्याने आणि शिताफीने पकडले याचा डांगोरा पिटल्यावर त्यांना सोडून देणे हि राजकीय आत्महत्याच ठरेल. त्यामुळे त्यांच्यावर परत खटला चालवून त्यांना परत फाशी किंवा मरेपर्यंत जन्मठेपच दिली जाईल यात कुणालाही शंका नाही.

परंतु पाकिस्तानचा खोटेपणा जितका उघड पडेल तितके कमांडर जाधव याना फाशी देणे हे कठीण जाईल आणि तुरुंगात का होईना पण ठेवणे भाग पडेल.

कोणताही गंभीर गुन्हा न केलेले ५०० च्या वर भारतीय नागरिक पाकिस्तानच्या तुरुंगात आहेत. त्यांना ते सहज सोडत नाहीत तर अशा मोठ्या खटल्यातील आरोपीला सोडणे कसे शक्य आहे( दुर्दैवाने).

आंतरराष्ट्रीय न्यायालयाचा निर्णय पाकिस्तान ला बंधनकारक नाही असे वाचनात आले . आता पर्यन्त दोन वेळा अमेरिका ने आंतरराष्ट्रीय न्यायालयाचा निर्णय खूंटीला टांगुन आरोपी नां फाशी दिली आहे व न्यायालय अमेरिका चे काहीही बिघडवू शकली नाही .
एकच आशा आहे की पाकिस्तान भिखारी देश असल्या मुळे आंतरराष्ट्रीय भिक मिळविणय साठी जाधव यांना मरेपर्यन्त जन्मठेप शिक्षा देण्याची शक्यता वाटते .
बीबीसी न्यूज़ - जाधव जैसे मामलों में ICJ के फ़ैसलों की अनदेखी होती रही है
http://www.bbc.co.uk/hindi/international-39962152

डॉ सुहास म्हात्रे's picture

20 Jul 2019 - 12:09 pm | डॉ सुहास म्हात्रे

Cops bust Rs 5,000 crore heroin racket with links to Taliban

तालिबान आणि पाकिस्तानी लोकांनी चालवलेल्या एका मोठ्या टोळीला दिल्ली पोलिसांनी पकडले आहे. ही टोळीची, अंमली पदार्थांच्या तस्करीची उलाढाल तब्बल रु५००० कोटी (रु पाच हजार कोटी) ची होती !