कोहलीचा सकाळी सकाळी "टीम इंडिया मिशन २०१९" या व्हाट्स ऍप ग्रुपवर मॅसेज,
"पोट्टेहो, आयपीएल संपली. आता नाचगाने बंद करा सायचेहो. उद्या सकाळी पाच वाजता मले सारे मैदानात पाहिजे..."
तिकडून विजय शंकरने लगोलग अंगठ्याची स्मायली पाठवून दिली.
केदार जाधवचा पण लगेच रिप्लाय..."हाव भाऊ..येतो"
बाकी कोनीच अजून मॅसेज वाचला नाही हे पाहून कोहली चिडला.
"मॅसेजही वाचून नाही राहिले ना पोट्टे.... माया दिमाग खराब करू नका"
"भाऊ चिडू नका भाऊ...मी उठवतो साऱ्यायले..", केदार जाधव
स्क्रीनवर रोहित इज टायपिंग असा मॅसेज दिसतो.
"भाऊ..ते बघा..रोहित उठला वाट्टे.."
"अन बाकीचे?...झोपूनच राहा लेकहो.. नेतच नाही कोनाले"
तेवढ्यात रोहितचा रिप्लाय आला..
"काय लावलं बे विराट? कालच तं संपली आयपीएल. थांब ना दोन-चार दिवस..मंग करू सुरु प्रॅक्टिस.."
"दोन--चार दिवस ??? अबे पंधरा दिवसावर आलं ना वर्ल्डकप.."
"मंग काय होते? अन तुले काय बे..तू पहिल्याच राउंडले बाहेर पडला आयपीएलमधून. तुया बम्म आराम झाला अशीन"
विराटने लगेच रागीटवाली स्मायली पाठवली..
"होबासक्या करू नको रोहित..व्हाईस कॅप्टन केलं तुले यावेळेस लेका..पोट्ट्यांसमोर सांभाळून बोलत जाय.."
"हाव भाऊ..."
"गपचूप ये उद्या पाच वाजता.."
"परवापासून येतो ना बे विराट? एक दिवस तं झोपू दे लेका.."
"युच नको मंग तू"
तेवढयातं स्क्रीनवर xxxxxxxxxxx इज टायपिंग असं दिसतंय..
"भाऊ..रोहित येत नशीन तं मी यु का?"
"हा कोन व्हय बे?", रोहित
"भाऊ..हा ऋषभ पंत हाय", केदार जाधव
"याले कोनी घेतलं गृपमदे?", रोहित
"मी तं नाही घेतलं बा..", विराट
"याडमीन तं तूच हायेस बे विराट?"
"ते मालूम हाय मले..पण मी नाही याड केलं ह्याले. फोन हॅक झाला वाट्टे माया.."
"फोन कसा हॅक होईन बे?", रोहित
" इथं इव्हीएम पन तं हॅक होते म्हनतेंत", विराट..
"भाऊ तसं नाही ते..त्याले मी याड केलंत खूप आधी. आधी या ग्रुपचं नाव "मैं भी वर्ल्डकप खेळुंगा" असं होतं तेंव्हा मी याडमीन होतो. मंग तुमी टीम निवडली अन ग्रुपचं नाव बदललं. ह्याले काढायचं राहिलं बहुतेक..", दिनेश कार्तिक.
"च्या मायबीन !!" विराट
"अबे पन त्यानं स्वतःहून तं बाहेर पडायचं ना मंग.. का गणपतीचा भंडारा व्हय हा ग्रुप म्हन्जे??"
"भाऊ..चुकलं भाऊ," ऋषभ पंत
"चूप राय तू"
"भाऊ...मी काय म्हंतो... आता गृपमदे आहो तं जमवा ना माया वर्ल्डकपचा जुगाड!!", ऋषभ पंत.
"अबे कोन हाय बे हा? मायला मी काय आधार कार्ड वाटून राहिलो का हिथं ? जुगाड जमवा म्हंते.."
"भाऊ..काढा त्याले बाहेर.."
विराट त्याला बाहेर काढतो.
"अन काबे विराट..साल्या आम्हाले उठवलं.. त्या धोनीले काऊन नाही उठवत?", रोहित
"तो कधीच उठला हाये..", विराट.
"तुले कसं माहिती?", रोहित
"मंग तुले का वाट्टे मले कोनी उठवलं?? सकाळी त्याचाच फोन आलंता..", विराट
"हे घ्या च्या मायबीन..हा आमचा कॅप्टन!!"
"परत होबासक्या...उद्या भेट सायच्या मैदानात.."
"अबे पन कोंच्या मैदानात या लागते ते तं सांग.."
"शास्त्रीमामाले इचारून मॅसेज टाकतो मी", विराट..
"हे पहा रे पोट्टेहो..हा आपला कॅप्टन..ह्याले उठवते धोनी..सांभाळते शास्त्री...ह्यापेक्षा मले कॅप्टन करा तुमी.."
"हाव भाऊ...माया सपोर्ट आहे तुमाले", दिनेश कार्तिक
"मायापन...", केदार जाधव..
"शानपणा करू नका सायचेहो... ऋषभ पंत अन रायडूले घेऊन जाईन तुमच्या जागी..", विराट
"नाही भाऊ...तुमीच भाऊ..तुमीच..मजाक केली भाऊ..", दिनेश कार्तिक..
"एकच वादा...कोहली दादा..", केदार जाधव
"उद्या या मंग सकाळी.."
"हाव भाऊ..", रोहित, दिनेश, केदार..
समाप्त..
प्रतिक्रिया
13 May 2019 - 4:36 pm | उगा काहितरीच
मस्त मस्त!
13 May 2019 - 5:16 pm | बबन ताम्बे
मस्त !! खूपच आवडले.
13 May 2019 - 5:18 pm | अभ्या..
नाय मजा आली,
13 May 2019 - 5:40 pm | गड्डा झब्बू
ब्याटी नं हेम्लेट घेउन्द्या कि रं मले बी जत्रंलां येउंद्या कि.
ठीक ठाक वाटल्याव वाचाले.
13 May 2019 - 6:28 pm | mrcoolguynice
14 May 2019 - 4:36 am | सोन्या बागलाणकर
हाहा !
झक्कास वऱ्हाडी तडका!
14 May 2019 - 10:03 am | भंकस बाबा
मजा आला
14 May 2019 - 11:32 am | स्वलेकर
मस्तच!!!!
14 May 2019 - 12:36 pm | चौकटराजा
आमच्या सोसायटीत एक आदमी एकदम असा लहेजा वाला ! मला क्रिकेट व बोली यांचा दोन्हीचा शौक असल्याने मजा आला !
14 May 2019 - 2:53 pm | महासंग्राम
14 May 2019 - 3:08 pm | चिनार
एक नंबर केलंय...
ही इमेज मला पाठवू शकाल का?
14 May 2019 - 3:12 pm | महासंग्राम
कशी पाठवू ? व्यनि करू का
14 May 2019 - 5:02 pm | मुक्त विहारि
मस्त. ..
2 Jun 2019 - 7:19 pm | टवाळ कार्टा
ख्याक