चाललो शहराकडे मी..गाव सांभाळून घे
मांडतो आहे नव्याने..डाव सांभाळून घे!
सवय झाली एकदा की क्षीण होते वेदना
लागतो जो जो जिव्हारी..घाव सांभाळून घे!
जीव तुटतो त्या क्षणीही याद मी येईल पण
तू उखाणे घेत असता,नाव सांभाळून घे!
वेगळ्या वाटा तुझ्या अन् वेगळ्या माझ्या सही
टाळ तू प्रत्येक काटा..धाव सांभाळून घे!
काजळाची रेघसुद्धा वाटते आहे गझल
तू तुझ्या नजरेत माझे भाव सांभाळून घे!
—सत्यजित
प्रतिक्रिया
16 Aug 2017 - 6:33 pm | एस
तिसरे कडवे भारी आहे!
16 Aug 2017 - 6:50 pm | प्राची अश्विनी
तू उखाणे घेत असता,नाव सांभाळून घे!
क्या बात!
16 Aug 2017 - 7:58 pm | पलाश
फारच छान!!!
16 Aug 2017 - 11:14 pm | सत्यजित...
एस,प्राची अश्वीनी,पलाश...प्रतिसादाबद्दल मनापासून धन्यवाद!
17 Aug 2017 - 1:14 am | रुपी
मस्त!
17 Aug 2017 - 2:50 pm | सत्यजित...
धन्यवाद रुपी!
19 Aug 2017 - 12:34 am | अमरेंद्र बाहुबली
मस्त
19 Aug 2017 - 9:10 am | हरवलेला
"तू उखाणे घेत असता,नाव सांभाळून घे!" हि ओळ मस्तच
24 Aug 2017 - 10:55 am | प्रा.डॉ.दिलीप बिरुटे
क्लास...! लैच आवडली ओळ.
-दिलीप बिरुटे
24 Aug 2017 - 5:52 pm | गामा पैलवान
सत्यजित...,
गझल आवडली. विशेषत: नावचं कडवं खास आहे.
आ.न.,
-गा.पै.
25 Aug 2017 - 12:13 am | सत्यजित...
अमरेंद्र,हरवलेला...प्रतिसादाबद्दल धन्यवाद!
बिरुटे सर,गा.पै.जी, आपलेही मनःपूर्वक धन्यवाद!
आपले प्रतिसाद पाहून-वाचून आनंद झाला!
31 Aug 2017 - 3:48 pm | mr.pandit
आवडली...
31 Aug 2017 - 4:02 pm | विशुमित
कविता आवडली..!
1 Sep 2017 - 1:59 am | सत्यजित...
पंडितजी,विशुमित धन्यवाद!