मुंबई सायकल कट्टा आणि "फूड सायकल by प्रशांत ननावरे"

क्या बात है! फारच भारी झाला कट्टा. कट्टेकऱ्यांची नावे लिहा की फोटोखाली.

अरे वा! मस्तच. मणिजचा भिसीबीली भात देखील A1 आहे बरका!

सायकल कट्टा म्हणून मी टाळले पण साधाच होता. आलो असतो दहा मिनिटे.

माटुंगास्टेशन समोरचं गुप्ता चाट सेंटर का हो?

इराणी होटॅल कोणते ?

सायकल कट्टा म्हणजे सायकली घेऊन भटकंती करत केलेला कट्टा असेल असे वाटले होते ! मात्र, गप्पा आणि पोटोबा मस्तं प्रकारे झाल्याने कट्टा भारी झाला यात वाद नाही (शिवाय फोटो होतेच साक्षीला) :) ब्राव्हो !!

भरपूर गप्पा आणि दिवसभर खादाडी.

समानशीले व्यसनेषु सख्यम्... सायकलचं वेड - व्यसनच म्हणा ना - या एकाच गोष्टीसाठी मोदक पुण्याहून, इरसाल कार्टं वाड्याहून तर भ खे (कामावर जायचं असूनसुद्धा) अंबरनाथहून आले, यासाठी सर्वांचं खूप कौतुक करावंसं वाटतं. प्रशांतची तर माझ्याव्यतिरिक्त कुणाशीच ओळख नव्हती; आणि बाकी सगळे सायकलवीर, मी मात्र सायकलशी काहीही संबंध नसणारा. माझ्या अतिशय बाळबोध (खरं म्हणजे बालिश) प्रश्नांना त्यांनी न हसता उत्तरं दिली.

सर्वांशी झालेल्या गप्पांमधून या सर्वांच्या सायकलप्रेमाचे बरेच पैलू उलगडले. बहुतेकांना अगदी लहानपणापासून सायकलचं वेड होतं. सगळेच जण (मीसुद्धा) लहानपणी चारपाच वेळा धडपडून, गुढघ्या-ढोपराला फोडून घेऊन सायकल शिकलेले असतात. मोठेपणी हा छंद लागल्यावर या सर्वांना इतर अनुभवी सायकलपटूंकडून प्रोत्साहन आणि मार्गदर्शन मिळालं; तसंच आपल्या उद्दिष्टांनुसार योग्य सायकल कोणती, ती कुठून कशी किती किमतीला मिळेल याबद्दल मदतही मिळाली. सायकल महागडी असली तर ती चांगली असते, हा गैरसमजही दूर झाला. भटक्या खेडवालांना मात्र बहुधा मिपावरून सायकलिंगची प्रेरणा मिळाली असावी. सायकल हा छंद जोपासताना सर्वांना खूप काही अनुभव, खूप माणसं मिळाली. एक छंद म्हणूनच सगळे सायकलिंग करतात, ‘फिटनेस’हे उद्दिष्ट ठेवलेलं नसतं, तर हा छंद जोपासताना फिटनेस आपोआप साधला जातो.

वदनी कवळ घेता..... अन्न हे पूर्णब्रह्म
डावीकडून - भटक्याखेडवाला, मोदक, सुधांशुनूलकर, इरसाल कार्टं, प्रशांत ननावरे.

प्रशांतने सायकलप्रेमाला वेगळे आयाम दिले आहेत. लोकसत्तामध्ये एक वर्षभर सायकलविषयक सदर लेखन केल्यावर आता त्या लेखांचं एक पुस्तक प्रकाशित होईल. तसंच, सायकलप्रेमाला खादाडीप्रेमाची जोड देऊन त्याने ‘फूड सायकल’ हा व्हिडिओ उपक्रमही सुरू केलाय, त्याचे दोन व्हिडिओ मोदकने वर दिलेच आहेत. काही दिवसांपूर्वी प्रशांतने ‘दो पहिया’ हा सायकलवर आधारित लघुचित्रपटांचा महोत्सवही आयोजित केला होता. त्याला खूप चांगला प्रतिसाद मिळाला.

खादाडीसाहित गप्पा झाल्यावर आम्ही चालत चालत माटुंग्याला महेश्वरी उद्यानाजवळ ‘अंदमान पॅडॉक’ हे अजस्र आवळेजावळे वृक्ष पाहायला गेलो. यांना फुलोरा आल्यावर आठ-दहा दिवसात पावसाला सुरुवात होते, असं निरीक्षण आहे. आपण तीन जणांनी हातात हात धरून रिंगण केल्याइतका या एका वृक्षाचा बुंधा मोठा आहे.

तिथून रुइया कॉलेजजवळ मणीजमध्ये कॉफी प्यायला आल्यावर प्रासना फोन केला, तेव्हा कळलं की ते मुंबईतच होते. लगेच सायकलवरून येऊन त्यांनी सायकल कट्टा सार्थ केला. मग गप्पांना प्रासरंग चढला. दोन वाजत आले होते, भटक्या खेडवालांना कामावर जायचं होतं, त्यांनी निरोप घेतला. प्रशांतलाही कुठे जायचं होतं, मग त्यानेही निरोप घेतला.

तर असा झाला हा सायकलवेड्यांचा कट्टा. खूप मजा आली. आता वाड्याच्या कट्ट्यासाठी उत्सुक आहे. तो कट्टाही असाच मस्त होईल, याची खातरी आहे.

फोटो – प्रशांत ननावरे.

खुप मस्तं.

हा कट्टा जमवायचं काम सुधांशु नूलकर यांनीच केलय . माझी व प्रशांतची जुजबी ओळख होती, आता ती परिचयात बदलली, सुधांशु सरांबरोबर काही कट्टे व एक मोठी सहल ही केली होती, मोदक व इरसाल कार्ट यांना भेटायची खूप उत्सुकता होती, कारण सायकल सायकल या समुहावर कायम भेटतो पण प्रत्यक्ष पाहिले नव्हते.
सायकल च्या वेडाची लागण प्रथम २००८ च्या डिसेंबर मध्ये झाली, जेव्हा गोव्याला दूधसागर ट्रेक ला गेलो होतो. तेथे एका वस्तीच्या ठिकाणी ट्रेकर्स व सायकल वाले एकत्र असतात. ५० शी नंतर वळू सायकलिंग कडे असे तेव्हाच ठरवले होते. प्रशांत ची लोकसत्ता मध्ये गेल्या वर्षी आलेली लेखमाला नियमित वाचत होतो. त्यामुळे सायकल विषयक द्यानात खूप भर पडली, जालोरीपास सायकल ट्रेक केला तेव्हा या क्षेत्रातले दिग्गज भेटले व हा छंद वाढत गेला. मोदक ही असाच दिग्गज आहे सायकलिंग मध्ये. इरसाल कार्टे ची व माझी ही छान दोस्ती झाली.
मिपा चा कट्टा म्हणजे खादाडी हवीच, ती भरपूर झालीच व गप्पा ही मस्त रंगल्या,
मोदक चे खास कौतुक ,कारण पुण्याहून येऊन पूर्ण वेळ सहभागी झाला. सायकल, वाचन , संगणक अशा अनेक विषयात माहीर आहे हा भला माणूस.
दो टकीयोन्की नौकरी के लिये लाखोन्का कट्टा अर्धवट सोडून जावे लागले, त्यामुळे प्रास शी फार गप्पा मारता आल्या नाहीत. कट्टा सोडून निघालो ते मात्र पुन्हा भेटण्याचे इरादे करूनच

स्रळ स्रळ अन्याव हाये युरॉनर. श्रावणात असे अभक्श भक्षण केल्याचे फटु, कुठे फेडाल ही पापं ?????????

ए हा सायकलवाल्यांचा फुड कट्टा आहे! सायकली नाहीचेत तर सायकल कट्टा कसला रे?! पण बरंय, तुला विदाऊट सायकल कधी मधीच पहायला मिळतं. चेंज बरा वाटला!

प्रशांत ह्यांचे दोन्ही व्हिडीओ पाहिले. काहीच्या काही उच्च प्रकार आहे हा तर! मला अजिबात वाटलं नव्हतं की इतक्या उत्तम दर्जाचे व्हिडीओ असतील. कॅमेरा, स्क्रिप्ट आणि सादरीकरण, सर्वच अप्रतिम! स्पेशल मेन्शन फॉर सबटायट्ल्स.

ह्या सर्वात सायकल्सची माहिती हा एक भन्नाट ट्विस्ट आहे. त्यातही मला "बांबुची" तर फारच आवडलीये!!

एकच बारिकशी तक्रार, व्हिडीओची क्लॅरिटी शेवटी एकदम घसरते. टिमची नावं येतात ती अजिबात कळत नाहीयेत. ब्लर झाली आहेत. तेवढं बघा.

सबस्क्राईब केलंय "फूड सायकल"ला. वाट बघते अजुन व्हिडीओजची.

आवडला कट्टा ...