टाळण्या कवटाळण्या वा पाळण्यायोग्य
काही म्हणा पण ऐट तिची भाळण्यायोग्य..
चाटते ती ज्या अदेने मान वेळावून
शेपटी चवरीच भासे ढाळण्यायोग्य.
बिल्ली असे भारी बिलंदर, अर्धोन्मिलित नयनी
टाकते तिरपे कटाक्ष जाळण्यायोग्य.
रे किती पिल्ले निघाली एकापुढे एक
या विणीला अंत नाही, भंजाळण्यायोग्य.
विषय 'मनी'चा म्हणून विणली माळ शेरांची
जाणतो मी, मुळीच नाही माळण्यायोग्य.
प्रेरणा- अर्थात श्री गुरुजी आणि नवीन सदस्य.
प्रतिक्रिया
1 Jul 2017 - 6:36 pm | कंजूस
:)
1 Jul 2017 - 6:49 pm | अभ्या..
"अगं अगं म्हशी" ऐवजी "अगं अगं मनी" हाय म्हणा की? ;)
1 Jul 2017 - 6:59 pm | अमरेंद्र बाहुबली
हा हा हा! चला म्हणजे काहीतरी उपयोगात आलो.( माझी आई म्हणते काही कामाचा नाही.)
1 Jul 2017 - 7:06 pm | जेनी...
कविता एकदम भंजाळण्यायोग्य =))
1 Jul 2017 - 8:48 pm | एस
हसण्यायोग्य कविता! :-D
1 Jul 2017 - 9:40 pm | दीपक११७७
त्यांची विकेट घेतली की तुम्ही :-D
1 Jul 2017 - 9:47 pm | दशानन
वाह!
तत्कालिक विषय घेऊन, त्यावर असे दर्जेदार लिहणे साधी गोष्ट नाही!
सर्व शेर आवडले, खरं तर वाघ असते तरी आवडले असतेच म्हणा ;)
1 Jul 2017 - 11:30 pm | श्रीगुरुजी
मस्त! चांगली जमली आहे.
2 Jul 2017 - 9:49 am | मुक्त विहारि
"दमामि" परत सक्रिय झाले...
2 Jul 2017 - 3:18 pm | दमामि
धन्यवाद हो सगळ्यांना!/\
2 Jul 2017 - 4:05 pm | अजया
=))