भावनांना नेहमी का आवरावे
आणि अर्ध्यातून सारे का हरावे
धार का लागे तिच्या दो लोचनांना
काय त्याला हे कळावे बारकावे
चूक होते त्यात काही गैर नाही
मान्य ती त्याने करावी मोठ्या मनाने
एकदा त्याने तरी माघार घ्यावी
नेहमी मागे तिनेची का सरावे
डाव आहे दोन वेड्या पाखरांचा
दोन वेड्या पाखरांनी सावरावे
एक रडता एक का हसतो कधी हो
रुद्ध झाल्या पाखराला हासवावे
हासता हातात घ्यावा हात त्याने
ना पुन: होणार आता आर्जवावे
प्रतिक्रिया
31 May 2017 - 12:31 pm | अरूण गंगाधर कोर्डे
कविता वाचनीय आहे.
1 Jun 2017 - 3:57 am | अत्रुप्त आत्मा
ठीक.
5 Jun 2017 - 1:16 am | शार्दुल_हातोळकर
छान आशय !!
6 Jun 2017 - 9:21 pm | संदीप-लेले
:)