बोललो नाही कधी पण...

सत्यजित...'s picture
सत्यजित... in जे न देखे रवी...
29 Mar 2017 - 12:50 pm

शब्द,शपथा,भाव,कविता..बेअसर झाले
बोललो नाही कधी पण दुःख तर झाले!

चेहऱ्यावरची न रेषा एकही ढळली
वार काही काळजाच्या खोलवर झाले!

लागला धक्का असा अन् सांडला पेला...
पान दुष्काळी कथेचे ओलसर झाले!

या इथे,खेळायची ती सूर-पारंब्या
हेच अंगण..आज त्याचे माजघर झाले!

तू दिलेली डायरी अन् पीसही जपले
डायरी आकाश माझे..पीस पर झाले!

व्हायचे असतेच ते होवून जाते पण
नेमके कळले कुठे जे आजवर झाले?

—सत्यजित

मराठी गझलकवितागझल

प्रतिक्रिया

संदीप-लेले's picture

29 Mar 2017 - 8:14 pm | संदीप-लेले

आवडली

सत्यजित...'s picture

1 Apr 2017 - 12:38 am | सत्यजित...

धन्यवाद संदिपजी!

अत्रुप्त आत्मा's picture

29 Mar 2017 - 11:21 pm | अत्रुप्त आत्मा

वाह रे मभाया... !

सत्यजित...'s picture

1 Apr 2017 - 12:41 am | सत्यजित...

माफ करा,पण मभाया म्हणजे काय?