राया...
मखमली मंचकी पसरली, मखमली काया,
नका सोडून जाऊ, नका ना जाऊ राया ॥ध्रु॥
करून बसले मंचकी थाट
किती दिवस पाहिली वाट
उगवेल आता चैत्री पहाट
सोनचाफ्याचा सुटेल घमघमाट
अत्तराच्या लावल्या या समया
नका सोडून जाऊ.... ॥१॥
ल्याले शालू भरजरी
देह झाला आज शेवरी
ठेवा बाजूला तुम्ही शेला
घ्या अलगद कवेत मजला
जाईल ज्वानी माझी वाया
नका सोडून जाऊ.... ॥२॥
राजेंद्र देवी
प्रतिक्रिया
24 Sep 2016 - 12:48 pm | चांदणे संदीप
छान चाल्लय देवी!
Sandy
25 Sep 2016 - 10:45 am | माहीराज
व्वा ... क्या बात. ..
26 Sep 2016 - 8:08 am | राजेंद्र देवी
धन्यवाद....