ना गावही तो राहिला ठाम पहिल्यासारखा
ना काळही भासे अता उद्दाम पहिल्यासारखा
त्या वादळाला सांग ना थांबायला आता जरा
प्रगतीस नाही वेग तो बेफाम पहिल्यासारखा
आता पुन्हा मिरवेन मी बुरखा जुना, समजा जुन्या
नाही जमाना राहिला बदनाम पहिल्यासारखा
झालो अता बघ मोकळा वागायला मजसारखा
ना राहिलो माझ्यात मी सुतराम पहिल्यासारखा
जगलोच जेत्या सारखा मृत्यूसही ललकारतो
भोगावया तय्यार मी परिणाम पहिल्यासारखा
विशाल
प्रतिक्रिया
14 Nov 2015 - 8:20 am | एक एकटा एकटाच
झक्कास
14 Nov 2015 - 8:54 am | एस
ही ओळ शेवटच्या 'जुन्या' शब्दामुळे समजली नाही. तुम्हांला 'जुना' असे म्हणायचे होते का?
14 Nov 2015 - 9:17 am | शिव कन्या
'समज' म्हटले असते तर 'जुने' घ्यावे लागले असते, ते फिटिंगला नै बसत.
'समज'चे अनेकवचन 'समजा' घेतले तर 'जुने' चालत नाही, फिटिंगला बसत नै.
म्हणून 'जुन्या'..... असा काव्यकूट असावा.
बाकी रचना सुरेख.
14 Nov 2015 - 10:45 am | विशाल कुलकर्णी
अगदी बरोबर शिव कन्या !
धन्यवाद..
14 Nov 2015 - 10:52 am | विशाल कुलकर्णी
धन्यवाद एस. मला असे वाटतेय की 'समजा' हां शब्द तुम्ही "बुरखा जुना आहे असे समजा" या अर्थाने घेताहात. त्या अर्थी जर घेतला तर तिथे 'जुना' हां शब्द चपखल बसेल. परंतु हे दोन्ही वेगवेगळी उदाहरणे आहेत. बुरखा आणि खालील प्रतिसादात शिव कन्या यांनी स्पष्ट केल्याप्रमाणे 'समज'चे अनेक वचन म्हणून 'समजा'. असे आहे, त्यामुळे "जुन्या समजा", जैसे जुन्या गोष्टी, जुन्या वह्या, जुन्या कल्पना.
16 Nov 2015 - 11:18 am | वेल्लाभट
एक समज (ती समज; तो समज नव्हे)
अनेक समजा (स्त्रीलिंगी म्हणून समजा; अन्यथा अनेक समज (ते) असंही होतं.)
ती समज जुनी
त्या समजा जुन्या.
अर्थाने तो समज असं अभिप्रेत आहे कवीला, माझ्या मते.
पण कवीचा अधिकार म्हणून इथे त्या समजा असं म्हटलंय असं मानलं तरी हरकत नाही असं वाटतं.
इट फिट्स इन वेल.
सुरेख ग़ज़ल.
14 Nov 2015 - 9:11 am | मदनबाण
वाह्ह...
मदनबाण.....
आजची स्वाक्षरी :- Koi Mil Gaya { Kuch Kuch Hota Hai } - Drum Cover by :- Nur Amira Syahira
16 Nov 2015 - 11:20 am | पैसा
झकास!!
16 Nov 2015 - 11:36 am | कैलासवासी सोन्याबापु
मख्खन में गर्म छुरी जमले आहे बॉस!
16 Nov 2015 - 11:42 am | मित्रहो
गझल मस्त जमली
16 Nov 2015 - 12:48 pm | दमामि
वा!!!
16 Nov 2015 - 8:48 pm | विशाल कुलकर्णी
धन्यवाद मंडळी _/\_
16 Nov 2015 - 8:55 pm | अत्रुप्त आत्मा
व्वा रे वाह
16 Nov 2015 - 11:28 pm | बोका-ए-आझम
वृत्त वगैरे भानगडी समजत नाहीत पण ही गझल आहे का? साधारण बाज तसाच वाटला. बाकी सुरेख!
16 Nov 2015 - 11:56 pm | दिवाकर कुलकर्णी
बहोत अच्छे।
17 Nov 2015 - 1:24 am | रातराणी
सुरेख!
18 Nov 2015 - 8:41 am | विशाल कुलकर्णी
धन्यवाद मंडळी
19 Nov 2015 - 9:06 am | मोगा
वृत्ताचे नाव काय?