कारलं फ्राय
साहित्य...........
कारली ६ (लहान असल्यास उभे दोन भाग करावेत .मोठी असल्यास उभे व आडवे असे चार भाग करावेत)
अर्धा नारळ खवलेला.
५/६ हिरव्या तिखट मिरच्या.
कोथिंबीर
तांदळाची पिठी.
मीठ (चवी अनुसार)
तळण्यासाठी तेल.
कोकम
कढीपत्ता (४/५ पाने)
कृती---
प्रथम कारल्याचे तुकडे उकळत्या पाण्यात टाकून त्यात थोडे मीठ व कोकम (२/३) टाकावे.
साधारण मऊ झाल्यावर बाहेर काढून त्यातील बिया काढून टाकाव्या
मिक्सरमध्ये खोबरे,मिरच्या,कोथिंबीर,कढीपत्ता मीठ एकत्र वाटून घ्यावे.
आता कारल्याच्या प्रत्येक तुकड्यात हा मसाला भरून दाबून द्यावे.
तांदळाच्या पिठीत हे तुकडे दोनही बाजूने दाबून घ्यावे.
तव्यावर तेल टाकून हे तुकडे दोनही बाजूंनी मंद आचेवर खमंग तळून घ्यावे.(मासे तळतो तसे.)
कुरकुरीत कारली फ्राय तय्यार.
प्रवासात न्यायलाही उपयोगी पडतात. २/३ दिवस टिकतात.
प्रतिक्रिया
5 Jul 2014 - 4:33 pm | आयुर्हित
आता फोटो येवु द्या लवकर.......
5 Jul 2014 - 8:20 pm | कवितानागेश
खवलेला नारळ घालूनही टिकतात का? की मसाला परतून घेतला?
की सुके खोबरे घातलं?
5 Jul 2014 - 8:33 pm | भिंगरी
हो कारण मंद आचेवर खरपूस फ्राय होते ना.
हवं असल्यास सुक्या खोबऱ्याचे करू शकता,पण चवीत फरक पडतो
5 Jul 2014 - 8:44 pm | दिपक.कुवेत
भरलेल्या दहिवड्यां बरोबर कशी लागतील?
5 Jul 2014 - 10:30 pm | सस्नेह
पोकळ खेकड्यांबरोबर अमावस्येला खाल्ल्यास अति सुंदर लागतात.
5 Jul 2014 - 11:03 pm | राजेंद्र मेहेंदळे
कशी लागतील?
6 Jul 2014 - 11:30 am | भिंगरी
अमावास्येच्या दिवशी पोकळ खेकड्याच्या नांगीने दहीवडा उचलून खेकड्याच्या पाठीच्या टरफलात ठेऊन खाल्ल्यास स्नेहांकित भुतांची भीती वाटत नाही.
6 Jul 2014 - 12:21 pm | यशोधरा
*acute* भारी! *lol*
6 Jul 2014 - 2:17 pm | सस्नेह
आण्भवाचा उपाय दिसतो !
बाकी आत्मे अन भुते यांची मिपावर रेलचेल आहे बरं !
6 Jul 2014 - 12:17 pm | अत्रुप्त आत्मा
फोटूsssssssssssssssssssssssss :-/
29 Jul 2014 - 10:17 pm | भिंगरी
अतृप्त आत्म्यांनो हे घ्या फोटो.
बाई बाई दमले हे फोटो टाकता
मला काही येईना,दुसऱ्यांकडून करून घेता घेता किती वेळ गेला.
फोटूच्या बाबतीत मी पास
29 Jul 2014 - 11:43 pm | अत्रुप्त आत्मा
धन्यवाद!
30 Jul 2014 - 3:02 am | आदूबाळ
सुसरीसारखे दिसतायत
30 Jul 2014 - 10:10 am | कवितानागेश
तुम्ही 'सुसर फ्राय' करुन पाहिलय का?
या वरच्या सुसरीची पाठ मउ असावी. :)
29 Jul 2014 - 11:29 pm | भिंगरी
कृपया संपादक मंडळींनी हे फोटो योग्य त्या ठिकाणी टाकावेत.
मला जमले नाही.
30 Jul 2014 - 7:44 am | संपादक मंडळ
फोटो धाग्यात टाकले आहेत.
- संपादक मंडळ
30 Jul 2014 - 2:10 pm | भिंगरी
धन्यवाद संपादक मंडळ
29 Jul 2014 - 10:48 pm | प्यारे१
भिंगरी बाई
___/\___ हॅट्स ऑफ.
जनतेनं इतका दंगा करुन सुद्धा चिकाटीनं पाकृ पूर्ण केल्याबद्दल कौतुक वाटले.
पदार्थ सुद्धा छान दिसतोय.
29 Jul 2014 - 11:42 pm | मुक्त विहारि
चला आता तुम्हाला पण फोटो टाकता आले.
आता, अजून मस्त पा.क्रु. येवू द्यात.
30 Jul 2014 - 9:41 am | स्वप्नांची राणी
वॉव...मस्स्त्त्त फोटो आणि झक्कास पाककृती...!!! नक्की करुन पाहीन..
30 Jul 2014 - 2:22 pm | राजेंद्र मेहेंदळे
हेच म्हणतो...म्.फो.झ.पा.
नक्की करणार
31 Jul 2014 - 10:38 pm | मदनबाण
वाह भिंगरी ताय ! :)
मदनबाण.....
आजची स्वाक्षरी :- आज न छोडुंगा तुझे दम दमा दम... { Dil }
8 Jul 2015 - 4:26 pm | भिंगरी
वरील मसाल्यात थोडी काळी मिरी वाटून टाकली.अजून मस्त चव आली कारल्याला.
9 Jul 2015 - 4:17 pm | पद्मावति
भिंगरी, मस्तं रेसेपी. नारळ घालून कधी केली नव्हती. नेहमी मी बेसनच वापरते. हे आता नक्की करुन बघिन.