भारतिय र्गुप्तचर विभाग सक्शमरित्या काम करते आहे?

विजुभाऊंशी १००% सहमत. आणि इथे मतं मांडणाय्रा लोकांना किती आतली माहिती आहे की त्यांच्या मताला काही वजन असावं? अदिती

अवांतर : तस्से पाहिले तर कौलच नव्हे, तर अनेक गोष्टीं इथे आणि समाजात असतात आणि त्यावर आपण चर्चा करत असतो. ज्याचे निष्कर्ष नाहीत मग त्यावर चर्चा करु नये का ? मला हा गुप्तचरखात्याचा विषय महत्त्वाचा वाटतो .....शीर्षक वाचून आत शिरलो तर घोर निराशा झाली.... चर्चा करावी पण कौल टाकणार्‍याने निदान हा कौल घेण्याचे कारण काय ? त्या कौलाबद्दल स्वतःची मते काय ? कौलाच्या निष्कर्षातून काय सिद्ध करायचा हेतू आहे?याबद्दल निदान स्वतः काहीतरी लिहावे ... नुसती एक ओळ टाईप करून त्यावर काथ्याकूट कसा करायचा? अवांतर : बरेच लोक हल्ली कोणत्यातरी वर्तमानपत्राचा दुवा देतात आणि म्हणतात वाचा.... अरे काय वाचा? का वाचा? ते तू का वाचलंस? तुला आवडलं का? असलं तर का? नसलं तर का? ते नको का लिहायला? ______________________________ ही आमची अनुदिनी ... http://bhadkamkar.blogspot.com/

धन्याशेठशी सहमत आहे! बाय द वे, माझं मत - मुळीच सक्षम नाही. नाहीतर इतके धडाध्धड बाँब फुटलेच नसते! आजकाल साला कुठेही कधीही बाँब फुटू शकतो आणि त्यात निरपराध लोकांचा बळी जातो. उपयोग काय त्या गुप्तचर विभागाचा? फुकटचा पगार खातात साले! तात्या.

ठळक उदाहरण नेमके गैरलागू आहे - पण ते दिले कारण त्याविषयी एकमत आहे. त्याच्या उपमेने पुढील नेमके उदाहरण लावावे. नेमके उदाहरण "सद्दाम-इराककडची शस्त्रास्त्रे/अमेरिकेची गुप्तहेर संस्था/लोकांचे गुप्तहेरसंस्थेबद्दल मत" हे होते. "अमेरिका युद्धात उतरणार" हे निश्चित भाकित "अमेरिकन लोकांना अमेरिकेची गुप्तहेर संस्था सक्षम वाटते" यावरून सांगता आले होते. "सद्दामकडे शस्त्रे खरोखर होती की नव्हती", किंवा "अमेरिकन गुप्तहेर संस्था खरोखर सक्षम आहे की नाही" या प्रश्नांचा काही लोकांचे मत कळण्याचा मला फायदा हा - १. माझे मत वेगळे असेल, अमेरिकेने युद्धात उतरू नये असे वाटत असेल, तर लोकांमध्ये "सद्दामकडे शस्त्रास्त्रे नाहीत/अमेरिकन गुप्तहेर संस्था या बाबतीत सक्षम नाही" अशी माहिती पसरवणे. २. मला अमेरिकेच्या-इराकच्या भल्याचे सोयरसुतक नसेल, पण भारताचे धोरण आखायचे असेल, तरी "अमेरिका युद्ध करणार" हे भाकित उपयोगी आहे. ३. मला अमेरिकेच्या-इराकच्या भल्याचे सोयरसुतक नसेल, भारताचे धोरण आखण्यात माझा हात नसेल, तरीही मोठ्या युद्धामुळे शेअरबाजार बदलतोच. मी माझे पैसे युद्धसामग्री-उत्पादकांमध्ये आणि तेल-उत्पादकांमध्ये अधिक गुंतवावेत. ४. माझ्याकडे शेअरबाजारात गुंतवण्यासाठी पैसे नसतील तरी युद्धामुळे इंधनतेलाचा भाव वाढणार असे भाकित लक्षात घेऊन काटकसर वाढवावी. विजुभाऊ म्हणतात : "मग कौलाचा निष्कर्ष काय येतो याचा काय फरक पडणार आहे." वरील चार मुद्दे अशा प्रकारे व्यापक ते वैयक्तिक अशा सर्व स्तरांवर ही माहिती उपयोगी आहे. ज्यांना लोकमत बदलता येते, ज्यांना सरकार बदलता येते, ज्यांना अर्थकारण बदलता येते, आणि ज्यांना स्वतःची काटकसर बदलता येते, सर्वांसाठीच अशा प्रकारच्या कौलाचा फायदा करून घेता येतो. मी मुद्दामून अमेरिकेचे उदाहरण दिले आहे. इतक्या तटस्थपणे स्वदेशाबद्दल बोलायची आणि ऐकायची आपल्याला सवय नाही. वाचकाने स्वतःचा दृष्टिकोन आणि उद्दिष्ट्ये जाणून या कौलाचा उपयोग "स्फोट/भारतीय गुप्तहेर संस्था/संस्थेबद्दल लोकांचे मत" या विषयाला लावून घ्यावे. अमेरिकेबद्दल मुद्दे १-४ सारखेच मुद्दे आजमवावे. ज्या कुठल्या स्तरावर आपल्याला कार्यशक्ती आहे, तिथे निष्कर्षाचा फायदा करून घ्यावा.