अ भा म सा सं : आता बे एरियात

परंतु मी माझ्या इतर कामातूनही, ह्या चर्चेत सामील व्हावे असे वाटले, हे देखील लक्षात घ्यावे.

म्हणजे तुमी काय तिथले गवर्नर हाये का? तुमच्या कामातुनही चर्चेत सामील झालात म्हणजे उपकारच की! )

आजवर आम्हाला सदर साहित्य संमेलनात सहभागी व्हावेसे वाटत असूनही, आम्हाला केवळ भाडे परवडत नाही म्हणून आमच्या आडत्या साहित्यिकांपासून दूर राहावे लागले.

मग आमी सांगितलेलं अमेरिकेत जाऊन राह्यला? आणि वर्षा दोन वर्षातुन इकडे सहलीला येता तेव्हा पाण्यासारखे पैसे उडवता आणि वर शीऽ काय घाण आहे म्हणून निघून जाता तेव्हा बरं परवडतं?

त्यांना खरेच महाराष्ट्र धर्म वाढवावा असे वाटत असेल, तर संयुक्त महाराष्ट् चळवळीचे लोक सॅन होजे-कुपर्टिनो-सॅंटा क्लॅरा सह महाराष्ट्र झालाच पाहिजे" असे घोषवाक्य स्वीकारतील.

आधी बेळगाव आणा.. मग बघुया सॅन होजे-कुपर्टिनो-सॅंटा क्लॅरा.. मजेशीरच हाय राव तुमी

संमेलनाचा खर्च कोट्यावधीत. आणि फक्त पंचवीस लाखांसाठी एवढा आवाज ? छ्या !

होय कारण ते २५ लाखात इथल्या लोकांच्या कष्टाचे आहेत. तिकडे एसीत बसुन शीऽ भारतात काय घाण अस्ते बॉ म्हणणार्‍यांचे नाहीत.

आपला,
बैलोबा.

मला लक्षात आलेली गोष्ट अशी, की ह्या क्षेत्रांत मराठी लोकांना जे मराठीविषयी आपलेपण वाटते, ते महाराष्ट्रात कुठेही दिसत नाही.

हम्म! असतो एकेकाचा दृष्टीदोष!

त्यांना खरेच महाराष्ट्र धर्म वाढवावा असे वाटत असेल, तर संयुक्त महाराष्ट् चळवळीचे लोक सॅन होजे-कुपर्टिनो-सॅंटा क्लॅरा सह महाराष्ट्र झालाच पाहिजे"

टाळ्या!

संमेलनाचा खर्च कोट्यावधीत. आणि फक्त पंचवीस लाखांसाठी एवढा आवाज ? छ्या !

अहो तेच तर आम्हीही म्हणतोय. आपण आमचा मूळ चर्चाप्रस्त्वाव पाहिलात तर त्यातही आम्ही हेच म्हटलेलं आहे. संमेलन अमेरिकेत भरवण्याबाबत आमचा काहीच आक्षेप नाही. एखाद वर्ष तिकडे भरवल्याने विशेष काहीच बिघडत नाही. आमचा मुद्दा इतकाच की आमच्याकडे दमड्या मागू नका. संमेलन भरवायचं तर तुमच्या जिवावर अवश्य भरवा आणि सूत्रसंचालन करून 'पुढे पुढेही करा'!

अमेरीकेतल्या संमेलनाला महाराष्ट्र सरकारने २५ लाख रुपये देऊ नयेत, ते महाराष्ट्रात राहणार्‍या जनतेचे आहेत आणि त्याचा जास्तीत जास्त फायदा हा महाराष्ट्रात राहणार्‍या जनतेलाच मिळायला हवा! बाकी संमेलन अमेरिकेत भरवण्याबाबत आमची काहीच हरकत नाही!

आपला,
(मराठी आंतरजालीय साहित्यिक) तात्या.

बे एरिय, ही संकेतस्थळाची जन्मभूमी नसली तरी कर्म भूमी आहे.

येथे संमेलन झाले, तर "मराठी संकेतस्थळांसाठी मराठी साहित्यिक काय करताहेत" हा परिसंवाद घडवून आणण्याची जबाबदारी माझी.

नव्हे, ह्या साहित्य संमेलनात येथे हजर असणार्‍या साहित्यिकांसाठी "संकेतस्थळ कसे तयार करावे, आणि त्याचे महत्व" हे ट्रेनिंग सेशन मी घेणार !!!

हे महाराष्ट्रात दरवर्षी घडणार्‍या साहित्य संमेलनात कुणी आजवर का केले नाही, ह्याबद्दल कुणी सांगू शकेल का ?

- सर्किट

माझा व्यक्तिगत विरोध केवळ दोन मुद्द्यांवर आहे -
१.भारतीय करदात्यांच्या पैशातून २५ लाखांचे अनुदान मिळून होणारे संमेलन आमच्या सॅन फ्रान्सिस्को बे एरियात नको.
२. संमेलनाची जी उद्दिष्टे साहित्य परिषदेकडून छातीठोकपणे सांगितली जात आहेत,त्यात कितपत तथ्य आहे,याचा सारासार विचार व्हावा.
याव्यतिरिक्त सर्कीटकाकांचे मराठीप्रेम,भौगोलिक सीमांचा गैरलागूपणा,संवर्धन इ. बाबतचे अनुभव नि मुद्दे पटण्यासारखे वाटले.
कितीही विरोध असला आणि संमेलन सॅन फ्रान्सिस्कोमध्ये घेतले गेले तर/की मी त्यात जातीने सहभागी होणार,वेळ असल्यास/पडल्यास व संधी मिळाल्यास स्वयंसेवक म्हणूनही काम करणार,हे मात्र नक्की.
(मराठी)बेसनलाडू

तूमच्या भांडणाने निर्णय घेणारे बदलणार आहेत का?? किंवा २५ लाख न दिल्याने महाराष्ट्र स्वच्छ होणार आहे का? किंवा तेच २५ लाख तुम्हा आम्हा सर्वसामान्य जनतेसाठी वापरले जाणार आहेत का किंवा एखाद्या पुढार्‍याच्या घशाखाली जायचे थांबणार आहेत का?

एक किस्सा जाता जाता सांगतो...

इथे एक मित्र आहे ज्याची सांगली जिल्ह्यात शेती आहे. वडिल आणि भाउ मिळून शेती करतात. शेती शिवाय काहीच दुसरं उत्पन्न नाही. आज शेतकर्‍यांची काय अवस्था आहे तुम्हाला माहीत आहेच. त्याला ह्या विषयाबद्दल प्रतिक्रिया विचारता हसुन म्हणाला..."अरे त्याने काय फरक पडतो, आमच्या शेतीला २५ लाख देऊन पुढील ५ वर्षे सुद्धा पाणी मिळणार नाही...मग कशाला विचार करायचा की कुठे पैसे देतात ही लोकं" ..

आता सांगा की तूमच्या भांडणाला किती अर्थ आहे??

मुकुल

"पण तरी देखील असे (सभ्यतेच्या मर्यादा न सोडता) वादविवाद होणे महत्वाचे वाटते" तेच तर. नंतर नंतर हीच चर्चा व्यक्तिगत टिका आणि टोमणे यांवर येते, सभ्यतेच्या चौकटीत ते बहुतेक बसत नसावे...बाकी चालु द्या...

बे एरिया महाराष्ट्र मंडळात गेल्या २-३ वर्षात झालेल्या अनेक भांडणाचा मी साक्षीदार आहे. आणि काही काही मराठी मंडळी कुठल्या थराला जातात हे देखील बघितलं आहे.
त्यामुळे २५ लाख मिळाले तर इथे काय महाभारत घडेल याची कल्पना करवत नाही.

बाकी काही प्रश्न विचारावेसे वाटतात..
संमेलनाने नक्की हेतू काय साध्य होतो?
आत्ता पर्यंत झालेल्या संमेलनांमधे जे ठराव पास झाले त्याचे काही रिझल्टस दिसतात का?
"बे एरियात संमेलन होणार आणि आम्हाला ते परवडणार नाही" अशी जी लोकं म्हणतात, त्यातील किती लोकांनी आत्तापर्यंत झालेल्या संमेलनांना हजेरी लावली?

गेल्या वेळच्या बृहन्महाराष्ट्र मंडळाच्या सिऍटलच्या आधिवेशनात मराठी जनतेचे प्रेम पाहून महाराष्ट्राचे मुख्यमंत्री विलासराव देशमुख गहीवरले आणि त्यांनी बीएमएमला काही लाख का कोटी मुख्यमंत्री निधीतून जाहीर केले. या संदर्भात कुणाला येथे आठवण आहे का? आणि तसे पैसे बीएमएमला मिळाले का?

बाकी अवांतरः - www.bmmonline.org या बृहन्महाराष्ट्र मंडळाच्या संकेतस्थळावर अधिक माहीती शोधायला गेलो तर आधीच्या अधिवेशनामधे गेल्या वेळच्या सिऍटलच्या आधिवेशनाचे फोटो दिसले आणि http://www.bmm2007seattle.org/ हा दुवा दिसला. त्या दुव्यावर अधिक माहीतीसाठी टिचकी मारली तर समजले की हे पान/संकेतस्थळ एकावर्षाच्या आत बंद पण करून टाकले...

दरवर्षी जागतिक मराठी परिषद भरवतात ना . ती घ्या ना बे एरियात.
साहित्य संमेलन कशाला हवे?
साहित्य संमेलनाच्या निमित्ताने साहित्यिक भेटतात, पुस्तके खरेदी होते, ती कशी होणार आता?
आमच्या रत्नागिरीच्या राम आळीत काय सगळी पुस्तके मिळत नाहीत. या निमिताने मिळाली असती.

आपला परतवण्याचा
अनिकेत केदारी

आमच्या सारख्या सर्वसामान्य रसिकांचे मस्त मनोरंजन चालले आहे.
आता एक - दोन महिने संमेलन स्थळ या विषयी बरीच उलटी , सुलटी चर्चा रंगेल, समांतर संमेलनाबाबद वाद विवाद होतील , पेपर वाले विशेष पुरवण्या काढतील , चॅनलवाले सुसंवाद घडवुन आणतील (कौतिकराव ठाले- पाटील मात्र आपल्या निर्णयावर ठाम असतील /नाही आहेत -
एक संमेलन परदेशात घेतले तर काही आकाश कोसळणार नाही. गाडीने रुळ बदलले, की खडखडाट होणारच. अपघात होणार नाही, याची आम्ही काळजी घेऊ इति कौतिकराव )

उत्तरार्ध जास्त मनोरंजक असणार यात शंका नाही. :>

संमेलनाचे अध्यक्षपद यावर 'न भुतो न भविष्यती' असे रणकंद माजेल.( आठवा ८१ वे सांगलीचे संमेलन). शेवटी साता समुद्रापलिकडे जाण्याचा सवाल आहे भौ . जसे मागिल वर्षी म. द. हातकणंगले सरांना मान मिळाला तसे या वेळेला बे-एरियातीलच साहित्तीक अध्यक्ष झाला पाहिजे अशी मागणी पुढे येईल.
काय बे- काय चाललय , कुणी समजवाल का ?