हे असंही असतं.....

पत्ता दिला तर बरे होईल. लेडिज चप्पल पण मिळतात का?

मनस्वी
"मृगजळाला पाहुन तुम्ही फसला नाहीत तर स्वतःच्या बुद्धीची तारिफ करु नका. हे मान्य करा की तुम्हाला तहान लागली नव्हती."

बिनखांबी गणेश मंदिरा जवळ आहे बहुतेक...आता त्या दुकानात जाऊन बरेच वर्ष झाली असल्या मुळे पत्ता निटसा आठवत नाही..

मदनबाण.....

अभ्यंकर अशीही खेटरे देतात तर हा हा हा

पडत्या पावसाला पाहुन तुम्ही आतुन भिजला नाहीत तर स्वतःच्या कोरडेपणाची तारीफ करु नका तर हे मान्य करा की तुमच्या आयुष्यात भिजवणारे क्षण आलेच नाहीत

कोल्हापूरात नव्या महाद्वार रोड वर बिनखांबी गणेश मंदीरा जवळ त्यांचे दुकान आहे. पिढीजात एकच घराणे हे दुकान सांभाळते आहे. खरोखरीच उत्कृष्ट गुणवत्ता. टिकावूपणा एवढा की वापरणारा(री) कंटाळणार पण चप्पल तुटणार नाही. अगदी "प्राण जाये पर चप्पल न जाये". मलापण या चपला खूप आवडतात.
पण विवीधता अगदी कमी. नवीन नमून्यांचा अभाव. वर्षानुवर्षे तेच नमुने. उत्पादन आणि विक्री या दोन्ही गोष्टींवर स्वतःचेच नियंत्रण ठेवण्याचा अट्टहास. यामुळे वितरण व्यवस्थे कडे दुर्लक्ष. (कदाचित मालात भेसळ - duplicate -होऊ नये म्हणून असेल). यासर्वांमुळे फार लोकांना माहीत नाहीत. कोल्हापुरात सुद्धा यांची दोनच दुकाने आहेत.
अरे हो एक सांगायचे राहिले. यांची विक्रीपश्चात सेवा फारच तत्पर आहे. चपलेचा तळवा झीजेपर्यंत कितीही वेळा चप्पल विनामुल्य दुरुस्त करून दिली जाते. तुम्हाला पावती देण्याची सुद्धा गरज नाही.

अभ्यंकर चपलांना खरेच तोड नाही.

(कोल्हापुरात राहूनही अभ्यंकर चपला न घालणारा )
अनिरुद्ध दातार

कोल्हापुरी चप्पला आणि अंभ्यकराच्या चप्पलामध्ये खुप फरक आहे. कोल्हापुरी चप्पला पुर्णपणे कातड्यापासुन तयार केली जाते. त्याच्या तळ देखिल कातड्यापासुन केला जातो.अस्स्ल कोल्हापुरी चप्पला कोल्हापुर शहरापेक्षा ग्रामिण भागात उत्तम बनवुन मिळतात.बनवण्यास सांगितल्या नंतर ७ दिवसात मिळतात. त्यात पण खुप प्रकार आहेत. कोल्हापुरी, कापसी अशी विवीध नावे आहेत. त्यात वेगवेगळ्या डिझाईन पण मिळतात.अभ्यंकराच्या चप्पलाचे तळवे कातडी नसतात.पण कोल्हापुरी चप्पलाचा डौल काही औरच आहे.

(कोल्हापुरी) वेताळ

यांनी लिहिलेले १००% खरे आहे. हे मी नुसते सांगत नाही तर अनुभवाचे बोल आहेत...
अजुनही मी त्यांची (अभ्यंकर मेड) चप्पल वापरते.....(यु.के.मधे एक जोड आणला आहे.)
ती चप्पल तुटता तुटत नाहीत...झिजत नाहीत....पावसाळ्यात कुजत नाहीत...सगळ्या मौसमांत चालतात..
वरील प्रश्नांची उत्तरे...
१.कोल्हापूरात बिनखांबी जवळ (महाद्वार रोड ला लागून), जे.के.टेलर्स समोर आहे..सोमवारी बंद..मालक कोकणस्थ आहे..चुकूनही सोमवारी उघडे नसते.
२.पुण्यामधे नागनाथ पार जवळ स्वरूप फुटवेअर मधे यांची चप्पल मिळते.
३.लेडिज चप्प्ल सुद्धा असतात....
४.कलर फक्त काळा, तपकीरी, चॉकलेटी,लाल बाकी कोणताही नाही.
५.ही आणि कोल्हापूरी टोटली वेगवेगळ्य आहेत...
६.फक्त एकच आहे, त्यांची डिझाईन फार जुनी आहेत तीच आहेत...काही चेंज नाहीत...
तरीसुद्धा मी त्याची चाहती आहे...
७.त्याचे फिटींग छान असते........

वरील माहीतीसाठी मला अभ्यंकरांकडून काही मिळालेले नाही...याची कृपया नोंद घ्यावी....

किंमत रु.१५० ते रु.३०० फक्त...(मागच्या जुलै मधे).

पाहिलच पाहिजे ह्या चपलांना...मदनबाणा मी तिथे आले की दर्शन दे एकदा मला ह्या चपलांचं

ह्या चपला तुटता तुटत नाही म्हणुन मी काही त्या वापरत नाही आणि त्या खुप सिप॑ल आहेत.
बघुन पण मनात भरत नाही पण आमच्या जवळ्चे लोक ह्याच चप्पस वापरतात.
मला मात्र कोल्हापुरी मस्त कातड्याच्या चप्पला आवडतात, त्या चप्पला मुळे खुप वेळा पडले ही आहे पण वापरण्याची हैस लै.
राजाराम पुरीत ८ गल्लीत ही अभ्य्॑कर या॑चे नविन दुकान आहे तेथे स्टायलिश चप्पल मिळतात. पण तेही जुणे होतील चप्पल पण तुटत नाही त्या दुकानातुन मात्र मी एक सॅण्ड्ल घेतले होते.

अभ्यंकर खानदानाचा विजय असो..

आपला,
तात्या अभ्यंकर!

धन्यवाद मदनबाण,
फार छान माहीती दिलीत!
या चपला कोल्हापूरी बाजाच्या बिलकूल नाहीत. पण इतक्या टिकाऊ असतील तर एकदातरी वापरायलाच हव्यात.
या मे महिन्यातच गावाहून येताना खास कोल्हापुरी चपल्या आणल्या.
आमच्याच तालुक्यात म्हणजे राधानगरी तालुक्यात मडिलगे या गावात आणि निपाणी रस्त्यावरील लिंगनूर या गावी फार चांगल्या चपला मिळतात असं ऐकून होतो. मडिलगे गावातून तर खूद्द शरद पवारांसाठी चपल्या जातात असं कळलं. मडिलग्यात चपला महाग मिळतात म्हणून लिंगनूरहून आणल्या. या चांभाराने दिलेल्या माहितीनूसार कोल्हापुरी चपलांचे तीन प्रकार. भुईवादी, कापशी आणि कुरंदवाड चपला. यापैकी भुईवादी चपलांचं देखणे पण काही औरच! कापशी काहीश्या पसरट तर कुरंदवाड चपला ग्रामीण बाजाच्या आणि मजबूत! भुईवादी चपलांनाच सर्वसाधारणपणे कोल्हापुरी चपला म्हणतात. या भुईवादी चपलांना लाल रंग दिला म्हणजे एकदम राजे महाराजे असल्यासारखं वाटतं!
डोक्यावर फेटा, अंगरखा, धोतर, पल्लेदार मिशी आणि भुइवादी चपला!! च्यामारी, असा पोशाख करू एकदा मुंबईतून फिरायचं आहे!!
रम्या