ओशो भाष्य " कबीर बाणी"

जही घट प्रीती न प्रेमरस , पुनि रसना नहि राम
ते नर इस संसार मे, उपजि भये बेकाम ||

" नेहमी शोधत राहायचे की आपल्या हॄदयामध्ये प्रेमरस ओत्तप्रोत भरलेला आहे की नाही आणि समजा भरलेला नसेल, आणि लक्षात आले की आतमध्ये वाळवंट आहे, तेथे पाउस पडणार नाही. तेव्हा त्वरा करा, अहंकार बाजूला करण्याची..!! तेच ध्यान आहे , हीच प्रार्थना आहे! अहंकाराला बाजूला सारण्याची कला म्हणजे योग , तोच खरा धर्म...!! अहंकार आणि विचार सोडले तर तुमच्या हृदयात प्रेमरस भरू लागेल. बाहेर पाउस बरसतच असतो.. तुम्ही तुमचे हृदय अहंकाराच्या झाकणाने बंद केले आहे..
प्रेम एक माधूर्य आहे.. एक अस्वाद.. रोमारोमात त्याच अस्वाद भरायला हवा.. तुम्ही इतके प्रेम प्यायला हवे, की तुमच्या हृदयातून प्रेम भरभरून व्ह्यायला लगले पाहिके .. एकदम बेहिशोबी..
पण तुमची समस्या उलटीच आहे. आता तुम्ही एक रिकामा घट॑ आहात आणि चारी दिशांनी भिक्षूकासारखे फिरत आहात की माझा घट भरून द्या , तुम्ही एक भिकारी आहात..तुम्ही प्रत्येकाच्या समोर उभे राहाता आणि थोडेसे प्रेम मागता. तुमचे डोळे प्रेम मागतात, भीक मागताय तुम्ही.. केवढी लाचारी..! कुणी थोडेसे जरी तुमच्या कडे बघून हसले, तरी किती खूष होऊन जाता तुम्ही.. तुमच्या दारिद्र्याला अंत नाही ! कोणी तुमच्या पात्रात दगड जरी टाकले , तरी तुम्ही त्याला हिरे समजता...!! प्रेमासाठी अस्वस्थ झाला आहात तुम्ही..

आणि एक लक्षात घ्या ज्यांच्याकडे तुम्ही प्रेम मागता आहात, ते ही तुमच्या सारखेच रिकमे घडे आहेत. ते फक्त अश्वासन देउ शकतात., गम्मत आहे ! एक भिकारी दुस-या भिका-या समोर उभा आहे, भिक्षापात्र पसरवून आणि प्रत्येकजण एकमेकाला आखडून दाखवत आहे की मी सम्राट आहे. आलाय मागण्यासाठी आणि देण्याची गोष्ट बोलत आहे..!!!!! तुम्ही थोडेसे प्रेम देताना नजरेस पडता ना, ते एवढ्यासाठीच की ते परत येईल..तो एक सौदा असतो..
या जगात प्रत्येकजण दुस-याकडे प्रेम मागत आहे. .. प्रेम द्या प्रेम द्या म्हणून,, पण हे कुणाच्या ल़क्षात येत नाही की, आपण ज्यांच्याकडे मागत आहोत, ते ही आपल्याकडे मागण्यासाठीच आले आहेत. यामुळेच प्रेम असफल होते.. सुरवातीला थोडे दिवस ही फसवणूक चालते.. पण किती दिवस चालणार..? एक दिवस समजते की दुसराही भिकारी आहे.. आणि आपण चांगल्याच संकटात सापडलो आहोत....
इथे प्रत्येकाच्या हातात मासे पकडण्याची काठी आहे आणि प्रत्येकाच्या काठीला पीठ लावलेले आहे.. येथे फक्त पीठ आहे .आतमध्ये काटा आहे..असले प्रेम दोनचार दिवस टिकले, तरी मी म्हणतो भरपूर झाले. इथे सगळेच म्हणत असतात प्रेम देउ प्रेम देउ आणि सगळेच मागत फिरत आहेत...
पण जेव्हा कोणी आपली ही अवस्था बरोबर समजून घेतो विचारांना आणि अहंकाराला बाजूला ठेवतो, तेव्हा त्याच्या रोमारोमात प्रेम वाहू लागते.. प्रेमाचा अर्थच आहे "स्व" चे रुपांतरण. आपल्या अहंकाराला विसर्जित करण्याची कला.. जो कोणी आपला अहंकार सोडेल त्याच्यावर प्रेमाचे मेघ बरसतील
लक्ष्यात घ्या , तारूण्य, जे शरिराचे आहे ते येते आणि जाते.. पण आत्म्याचे तारूण्य.. परमसत्तेचे आहे.. ते शाश्वत आहे..!!!! ह्या स्वतःच्या शांतीमध्ये डुबुन गेल्यावर, तुम्हाला मिळेल एका नवतारूण्याची झलक, एक असे यौवन जे कधीही सरणार नाही !!!!
अशी आत्मदृष्टी प्राप्त झाल्यावर सारे काही बदलून जाते.. मग कोणतेही मतभेद राहात नाहीत.. कोणत्याही भिंती उरत नाहीत.. बस फक्त प्रेमाचा आविर्भाव होत असतो.. फक्त प्रेमच प्रेम.. अनंत प्रेम..अहर्निश प्रेमाचे नृत्य...तेथूनच अनंत आकाशाची भव्यता तुम्हाला दिसू लागेल.......!!!"

कबीर बादल प्रेम का, हमपर बरसा आई
अंतर भीगी आत्मा, हरी भरी बनराई ||