::: मिपा विडंबन स्पर्धा :::

कुनी 'ट' ला 'ट' आनि 'फ' ला 'फ' जुळिवनार,
अनं पब्लिक त्ये आतून आलंय म्हननार,
आमास्नी नाय कवा आतून आल्यागत वाटनार,
तरीबी तिच्यायला आमी येक कविता करनार!!

हे तत्तर तत्तर तत्तर...

भारीच है! आता फूल्ल्ल टू धिंगाणा!

एखाद्या गोष्टीला 'अधिकृत' कसे करावे, हे मिपाकडून शिकले पाहिजे!

Sandy

हा हा हा

अब आएगा मजा

आयला! सुचायला पाहिजे विडंबन!
जुने पण कुठेही(फेसबुक वगळता) प्रकाशित न झालेले चालतील का?

धमाल स्पर्धा होईल ही.विडंबनकारांना पायघड्या घालुन आमंत्रण!
फेका फुगे मारा बोंब!

मजा येणार !!!!

मिपा-टव्वाळा, चेष्टपंथेची जावे
तरी हास्य हो पाविजे ते स्वभावे
कपाळीस आठ्यांस सोडून द्यावे
जनीं दंत ते सर्व दावीत जावे

जय जय रघुवीर समर्थ!

आमचे एक मित्र ह्या स्पर्धेत मनापासून भाग घेतील असे वाटते.

मला विडंबने वाचायला आवडत नाही आणि करायला तर त्याहूनही आवडत नाही.

प्रत्येक कवितेच्या निर्मिती मागे एक प्रचंड मोठा इतिहास, भूगोल आणि नागरिकशास्त्र असते.

काहीच भाग्यवान कवी असे असतात ज्यांना कळ आल्या आल्या कविता होते. त्यातले सुध्दा फार थोडे कवी सुखसारक वटीच्या बाटल्याच्या बाटल्या रिचवल्या सारख्या कविता पाडत असतात. पण हे भाग्य सर्व कविंच्या नशिबी असतेच असे नाही.

कवितेची असहाय्य कळ येउनही कविता न होणार्या कवीची आवस्था एखाद्या अडलेल्या बाई सारखी असते. बराच वेळ जोर लावल्यावर देखिल कविता होत नसली तरी सुध्दा हे कवी लोक चिकाटी सोडत नाहीत, कुंथुन कुंथुन तो शेवटी ते एकदाची कविता पाडतातच. मग आपले ते डाउनलोडवलेले पुण्यसंचित विनय पूर्वक रसिकांच्या चरणी सादर करतात. हि सर्व प्रक्रियाच मोठी कष्टदायक आहे. आणि आपण त्यावर विडंबनाचे पाणी ओतायचे? छे छे त्या कोमल कवी मनाला काय वाटत असेल?

नाही नाही माझ्या हातुन हे असले पातक कदापि घडणार नाही. हे परमेश्वरा या असल्या स्पर्धा भरवणार्यांना आणि त्या स्पर्धांमध्ये भाग घेणार्या पाषाण हृदयी विडंबकांना तू सद्बुद्धी दे.

एक मिपाकर म्हणुन.... जाऊ दे......

समस्त कविवृंदा तर्फे मिपा च्या सा. सं मंडळाचा जाहीर णिशेढ.

आणि इथुन पुढे जो पर्यंत सासं मंडळाचे संपूर्ण मण:परिवर्तन होत नाही तो पर्यंत मी दुपारच्या चहा बरोबर आठ ऐवजी केवळ सात बिस्कीटे खाउन प्राणांतिक उपोषण करणार आहे.

पैजारबुवा,

ऐसी कुंथण्याची कळा
येऊ द्यावी मिपाबाळां
कवींचा तो कळवळा
सोडून द्यावा

फुगे फुगवू चला
पिचकारी भरा
आला आला हा बकरा आला

;) सासं अवघड हो हे

मस्त स्पर्धा!
(एकाहून एक विडंबनांच्या प्रतिक्षेत) सुमीत भातखंडे

लई भारी आयड्या !

आता सर्व आयड्या / डुआयड्या बाहू सरसावून कीबोर्डातून पिचकार्‍या मारायला तयार झाल्या असतील.

मज्जाच मजा येणार ! =))

यमक्या कवींचा पसारा, न साहावे संपादकसागरा..
तेणे वैतागोनि क्षणभरा, विडंबनस्पर्धा योजिलीसे...

दमामिंनाही आवताण धाडा.

केसु गुर्जी, रंगाशेट, खोडसाळ अँड सो ऑन..

खुपच छान !

मिसळपाववरील असल्या अभिनव उपक्रमांमुळेच मिपा अखिल मराठी साहित्य संकेत स्थळां मध्ये शोभुन दिसते !

मराठी भाषा टिकवण्यात मिसळपावाचे अमुल्य योगदान आहे !

स्पर्धेला शुभेछा :)

तांबीय काव्य नको हे राहिलं.

चांगलय..
आता होळीच्या प्रतिक्षेत ..

कवीता थेट इथेच प्रसिध्द करायची आहे कि संपादकांना धाडायची आहे की आणि मग ते ती प्रसिध्द करणार?

प्रवेशिका साहित्य संपादक या आयडीस व्यनितून किंवा sahityasampadak.mipa@gmail.com या ईमेल पत्त्यावर पाठवायच्या आहेत. प्रवेशिका पाठवताना मूळ काव्य, कवी व इतर उपलब्ध तपशिलासकट पाठवायच्या आहेत.

विडंबनकाराचे नाव न लिहिता विडंबने प्रसिद्ध करावीत असे वाटते.

ल य भा री !

म्हणजे आता मिपावर दंगा करायला ऑफिशियली परवानगी,
लेखकाचे नाव देऊ नये याच्याशी सहमत, प्रत्येक एन्ट्रीला क्रंमाक वगैरे देता येईल.
कितीही नाही म्हटले तरी, काय लिहिले पेक्षा कोणी लिहिले याला महत्व.. वगैरे वगैरे :)

कच्चा माल फॅक्टरी वाले मेरा विडंबण बना दो

( डीजे वाले बाबु मेरा गाना....... ) =))

(सरणार कधी रण...)
स्फुरणार विडंबन कधी तरी हे
कुठवर पाहू वाट परी

कोणी कोणी पाठवलीत विडंबने?

आज १८ तारीख आली तेव्हा विडंबन स्पर्धेत पाठविलेली विडंबने कधी प्रसिध्द करणार सा. सं. मं?

विडंबने?

विडंबने उद्या प्रकाशित होतील.