आडदांड पाऊस

गंगाधर मुटे's picture
गंगाधर मुटे in जे न देखे रवी...
30 Jun 2013 - 7:41 pm

आडदांड पाऊस

अडदांड बेत ओला शिजवून पावसाने
केला शिवार खच्ची भिजवून पावसाने

गाळून घाम विणले मी वस्त्र स्वावलंबी
केल्यात पार चिंध्या खिजवून पावसाने

आले मनात जेव्हा तेव्हाच निग्रहाने
केले सपाट डोंगर झिजवून पावसाने

खाण्या-पिण्यात झाला पाऊसही अधाशी
हंगाम फस्त केला निजवून पावसाने

नाही दिले कुणाला थोडे 'अभय' परंतू
खरडून दैव नेले थिजवून पावसाने

                               - गंगाधर मुटे
--------------------------------------------------

अभय-गझलमराठी गझलकवितागझल

प्रतिक्रिया

निनाव's picture

2 Jul 2013 - 10:19 pm | निनाव

नाही दिले कुणाला थोडे 'अभय' परंतू
खरडून दैव नेले थिजवून पावसाने
hey khoop sahi waatale..

प्रा.डॉ.दिलीप बिरुटे's picture

2 Jul 2013 - 10:22 pm | प्रा.डॉ.दिलीप बिरुटे

आले मनात जेव्हा तेव्हाच निग्रहाने
केले सपाट डोंगर झिजवून पावसाने

-दिलीप बिरुटे

गंगा यमुना भरल्या वृद्रावतार धरिले।
चारी धाम वाहुन नेले आडदांड पावसाने॥

मीनल's picture

7 Jul 2013 - 7:03 am | मीनल

कविता आवडली.