नववर्षाचा सण हा पहिला आनंदाने साजरा करू
चला लवकर यारे सारे
मराठीची गुढी उंच उभारू
नववर्षाचा सण हा पहिला
आनंदाने साजरा करू ||धृ||
चला एक मोठी काठी आणू
शालू बांधून तिला आपण सजवू
हारकडे अन फुलमाळा
हारकडे अन फुलमाळा बांधून
वर एखादा लोटा घट्ट बसवू
नववर्षाचा सण हा पहिला आनंदाने साजरा करू ||१||
पाडव्याच्या शुभमुहुर्ती
मंगल कार्य सुरू हो करती
दारी तोरण अंब्याचे
दारी तोरण अंब्याचे लावून
अंगणी मंगल सडा चला शिंपडू
नववर्षाचा सण हा पहिला आनंदाने साजरा करू ||२||
उत्साहाचा वारा आता वाहू लागला
फाल्गून गेला चैत्र महिना सुरू झाला
पानाफुलांनी
पानाफुलांनी सजली धरती
निसर्गाला वंदन चला करू
नववर्षाचा सण हा पहिला आनंदाने साजरा करू ||३||
- पाषाणभेद (दगडफोड्या)
०४/०४/२०११ (गुढीपाडवा)
प्रतिक्रिया
4 Apr 2011 - 8:46 am | प्रकाश१११
उत्तम . मस्त वाटले !!
4 Apr 2011 - 10:55 am | अमोल केळकर
गुढीपाडवा तसेच मराठी नुतन वर्षाच्या अनेक शुभेच्छा
अमोल केळकर