हिंदु सणांचे बदलते स्वरुप समाजाला घातक आहे कि चांगले?

>>आज सकाळ मध्ये आलेली ही बातमी खुपच धक्कादायक आहे
खरंच धक्कादायक आहे. या गोळ्या विकत घ्यायला लोक सणासुदीची वाट पाहतात हे धक्कादायक आहे. नो वंडर, भारताची लोकसंख्या वाढतेय. शिवाय काँडोम्स वापरायचे नाहीत ही भारतीय पुरुषी मनोवृत्ती धक्कादायक असण्याबरोबरच चीड आणणारी आहे.
रस्त्यांवरील सणांना बंदी आणून हे कसे बदलेल ते कळले नाही.

नान्या , पुढच्या होळीला सिप्लाचे शेअर्स घे रे, भरपुर फायदा व्ह्यायची शक्यता आहे.

असो , तरुण-तरुणींचा कार्यभाग (भोग? ) साध्य होतो , मेडिकलवाल्याला औषधविक्रीचे कमिशन मिळते, औषध कंपन्यांचा ( अन पर्यायाने गुंतवणुकदारांचा ) नफा वाढतो , तर काय बिघडले?
बाकी शेण खाणार्‍याना खाउ द्या की , आपण कोण अडवणार?

आजकाल हिंदु सण साजरे करण्याचे स्वरुप एकदमच झगमगीत व बाजारु बनत चालले आहे

उत्तर भारतातले हे सण पूर्वीपासूनच झगमगीत आणि बाजारुपणे तिकडे साजरे केले जायचे.गेल्या २० वर्षात महाराष्ट्रातही हे लोण आले. १९८५/८६ च्या आधी गर्बा वगैरे मुंबईत्/राज्यात खेळला गेल्याचे असल्याचे मला तरी आठ्वत नाही् . ह्या झगमगीत्/बाजारुपणाला राजकारणी/मिडियाने खतपाणी घातले आणि मराठी लोकांनीही ह्या हिडिसपणाला मनापासून पाठिंबा दिला.

सरकारने ह्या रस्त्यावरील सणाना बंदी आणली तर कट्टर धर्माभिमानी लोक लगेच रस्त्यावर उतरुन दंगा करतील

सहमत आहे. प्रॉब्लेम सणाचा नसून त्या त्या प्रदेशातल्या संस्कृतीचा आहे.

अगदि बरोबर बोललात !

माणसांचीच नियत बिघडली आहे तिथे सणांना कुठे दोष द्यावा? सण हे निमित्त आहे. सध्याचे सण हिडीस झाले असतील तर खुशाल बंद करावेत, पण वासनांध माणसे काहीतरी नवीन शोधून काढतातच. व्हॅलेंटाईन डे च्या दिवशी भर रस्त्यावर मिठ्या मारण्याचे प्रकार आणि फ्रेशर्स वेलकम पार्टीच्या नावाखाली कॉलेजच्या मुला-मुलींची रेव्ह पार्टी हे कशाचे लक्षण आहे?
त्यातून दूरचित्रवाणीवरुन 'तुम्ही मला सरप्राईज द्या, मी तुम्हाला प्लेझर देते' अशा टाईपच्या संदेशांचा आणि गर्भनिरोधक साधनांच्या जाहिरातींचा मारा सुरु असतो तो बघत बघत एक पिढी मोठी होत आहे. पुरुषांनी अमका डिओडरंट वापरल्यावर स्त्रिया वासनेने बेभान होतात, असे सूचित करणार्‍या जाहिरातींत स्त्रियांचा सरळ सरळ अपमान आहे. तरीही हे सगळे लोक विनातक्रार बघतात. स्त्रीला एक 'कमॉडिटी' किंवा निव्वळ उपभोग्य वस्तू असे लेबल लावले जाताना महिला संघटना तिकडे दुर्लक्ष करतात. एका स्कूटरच्या जाहिरातीत दोन तरुणी आपापसातील स्पर्धेमधून जी कामुक देहबोली दाखवून देतात ते बघता उद्या नूडल्स आणि खाद्यतेलाच्या जाहिराती पण अशाच झाल्या तर नवल वाटायला नको.

बहुधा ' जे जे होईल ते ते पहावे' अशी सगळ्यांची मानसिकता झालेली दिसते.

सगळेच खापर परप्रांतियांवर फोडायला नको. गणपतीच्या मंडपात जुगार खेळणारे आणि वर्गणीच्या पैशातून नको नको त्या गोष्टी करणारे आपलेच लोक असतात. एक बोट दुसर्‍याकडे रोखताना चार बोटे स्वतःकडेही वळलेली असतातच.

खरंच धक्कादायक आहे. या गोळ्या विकत घ्यायला लोक सणासुदीची वाट पाहतात हे धक्कादायक आहे.

एकंदरीतच लेखामागचा संस्कृतीरक्षक टाईप टोन खटकला. नगरीनिरंजन यांची ही उद्धृत केलेली ओळ त्या भावनेची प्रातिनिधिक वाटते.

नक्की कसला धक्का बसला आहे? तरुण-तरुणी वयानुरुप वागणुक करतात याबद्दल? अहो ते तारुण्यसुलभ वर्तन जुन्या काळपासून चालू आहे.

हे वर्तन रंगपंचमीसारख्या दिवशी वाढते याचा धक्का? आपल्या समाजात या एका दिवशी थोड्या मुक्त वागणुकीला परवानगी आहे. पंधरावीस टक्क्यांनी खप वाढला तर त्यात आश्चर्य का वाटावं? तशी वागणूक आजकालच व्हायला लागली आहे का?का वागणुकीनंतर गर्भधारणा होणं हे आजकालच व्हायला लागलं आहे का? उलट या गोळ्यांमुळे किती नको असलेले जीव जगात यायचे थांबले व पूर्वी ते थांबत नसत याचा विचार व्हावा. सणाचं स्वरूप बदललेलं नाही, त्याच्या परिणामांना आळा घालण्याची नवी शक्ती हातात आलेली आहे इतकंच.

या गोळ्या घ्यायला कोणी 'सणासुदीची' वाट बघतं असं म्हणणंदेखील रोचक वाटलं. घातक वगैरे शब्दसुद्धा जरा जास्तच वाटतात.

आणि मी म्हणतो काय हरकत आहे? शेवटी सणासुदीचे दिवस गोडाधोडाचा सैपाक करून आणि पूजाअर्चा करण्यात घालवायचे नाहीत तर कुठचे? ;)

इथे शनीवार, रवीवार स्ट्रेस रीलीज व आठवड्याच्या इतर कामांसाठी व्यतीत करावे लागतात ;)... मग आयूष्य आयूष्य म्हणतात ते सहज आणी मनसोक्त जगायचं तरी कधी ? अर्थातच जास्तीची सूटी मीळाली तरच ना ? मग त्या दीवसात लोकांकडे स्वतःसाठी द्यायला वेळ आणी कारण नीर्माण होत असेल तर मग भलेही ते मसणात जाओत त्या दीवशी.. त्यासाठी एव्हडी ओरड टाकायचं कारणच काय ? तसही ऊगाच दोनचार मोठ्या शहराशी सूसंगत लाइफस्टाइलशी संबंधीत असलेल्या गोश्टी अख्या देशाला लागू करणे चूकच नाहीका ?

खरं तर गोळ्यांऐवजी कंडोम्सचा खप वाढायला हवा होता. गोळ्यांमुळे एड्सचा धोका टळत नाही.
नवरात्र व गणेशोत्सव यांना तर बाजारू स्वरूप आले आहेच आता होळीही त्यात सामिल. इथे नैतिकतेचा मुद्दा नाही पण स्त्रियांना भोगवस्तु बनवून पुरुषी चंगळवादाला प्रोत्साहन मिळत आहे हे अधिक घातक आहे. परिणाम निस्तरण्याची सगळी जबाबदारी स्त्रियांवर ढकलून वर त्यांना गोळ्यांच्या घातक परिणांमानाही बळी पडायला लागावं हे फारच वाईट आहे.

आताच एक बातमी वाचली-

मोहालीत गोळ्यांचा,कंडोम्सचा खप झपाट्याने वाढतोय.

(परवा झरदार्‍या/गिल्या आणि मन्या येत आहेत तिकडे म्याच बघायला)

ह्या गोळ्यान्च्या विक्री वर नियन्त्रण हवे आहे ..............
किती गोळ्या कोणत्या केमिस्ट ला दिल्या ...... त्याने त्या गोळ्या कोणास विकल्या व किती .....कोणत्या डोक्टर च्या सल्ल्याने दिल्या ........ या सगळ्याचे हिशेब दिले गेले पहिजेत ...........

वरील विषयावरील लेख आणि चर्चा वाचली.
१. सणांना दोष देऊन चालणार नाही. ज्यांना कुकर्म करायचे आहे ते दुसरे मार्ग शोधतीलच.
२. प्रश्न असा आहे की हल्ली समाजात बर्याच लोकांना हे करावेसे वाटते. त्यांना सणानिमित्त योग्य ती संधी सापडते.
३. टीव्ही, ईंटरनेट च्या जमान्यात आपण संस्कृतीरक्षण किती करणार ? मुला माणसांना काही झापडें लावता येत नाहीत.
४. आपली संस्कृतीची संकल्पनापण कालानुरुप बदलली पाहिजे नव्हें ती आपोआप बदलत आहे. आजकालची मुले आपला वैवाहीक जोडीदार कुमार्/कुमारी असेलच किंवा असावा असे त्यांना वाटत नाही. नव्हे असला तर तो एक हसण्याचा विषय होतो.
आपल्या जमान्यांत आपण म्हणत असू की लग्नाआधी आमच्या आईनी जरा ईकडे तिकडे पाहु दिलं नाही. जरा उशीर झाला तरी हज्जार प्रश्नं विचारुन भंडावुन सोडायची. आजच्या आया म्हणतील की आमच्या आईनी लग्नाआधी फक्त दोनच वेळा 'ते' करायची परवानगी दिली तेही आधी त्याने टोपी आणलीआहे की नाही याची खात्री करुन. कित्ती अभागी आम्ही ! नाहीतर आजकालच्या तुम्ही पोरी --दर वीकेण्डला एक नवा जोडीदार शोधता!
५. मुली आणी स्त्रीया सुद्धा बदलत आहेत आणि नव नवे अनुभव घेत आहेत. जर अशी गर्भनिरोधके हानिकारक असतील तर त्यांनाही आपोआपच कळेल की.हल्ली मुलींनी कोणता न्यापकिन किंवा प्याड वापरावा हे मैत्रीणी आपसात विचारुनच ठरवतात. कितीही जाहिराती पाहिल्या तरी. तसेच हे पण होईल. आणि विवाहीत किंवा अविवाहीत मुले / मुलिंनी यशस्वीपणे गर्भनिरोधन केले तर त्यात वाईट काय ? आपण त्यांना योग्य सल्ला मिळायची व्यवस्था करायला पाहिजे.
६. आपण आपल्या मुलांना चांगल्या वाईटाची जाण देणे हेच फक्त आपल्या हातात आहे. ते धडपणे करुयात. बाकी त्यांचे तेच जाणे.
कालाय तस्मै नमाहा .....बरोबर आहे की नाही ?

--- हृदय भेदी.