रावणी पिठल्यापासून सुरुवात होऊन आता मिपावर पिठल्याच्या पाकृंची रांग लागलेली दिसते. एवढ्या पिठल्याएक्स्पर्टांची मांदियाळी जमल्यावर, माझ्या काही बाळबोध शंकांची उत्तरे मिळणे कठिण जाऊ नये. १) पिठले आणि झुणका यांतील सीमारेषा नक्की कोणती? २) पीठात पाणी घालणे आणि पाण्यात पीठ भुरभुरवणे यांतील कोणत्या पद्धतीत = अ) पदार्थ अधिक खमंग व चविष्ट होतो? ब) पीठाच्या गुठळ्या होत नाहीत? ३) चण्याच्या डाळीचे पीठ हे आरोग्यास चांगले नाही हे ठाऊक असूनही केवळ बेसन हाच मुख्य घटक (इन्ग्रेडियन्ट)असलेला हा पदार्थ लोक का खातात? अवांतर - मला स्वतःला सिमला मिरचीची बारीक तुकडे, पातीचा कांदा (पातीसहीत) आणि टोमॅटो घातलेला झुणका फार्फार आवडतो!