काल (७ जानेवारी २०२५) रात्री ११ वाजता माझ्या एचडीएफसी फास्टॅग खात्यातून ₹७२/- टोल शुल्क वजा झाल्याचा एसएमएस् आला. मात्र, त्यावेळी माझी कार घरी उभी होती आणि ती वापरात नव्हती. मी आज सकाळी तो एसएमएस् पाहिला आणि लगेच फास्टॅग खात्यावर तक्रार नोंदवली. मला माझी वजा झालेली शुल्क रक्कम परत हवी आहे. कदाचित नोंदविलेल्या तक्रारीवर कारवाई झाल्यावर ती रक्कम परत मिळेल. तथापि, याची पुरेश्या गांभीर्याने चौकशी होईल याची मला खात्री करून घ्यायची आहे. शक्य झाल्यास मला टोल गेट मधून गेलेल्या वाहनाचा फोटो किंवा पुरावा हवा आहे. मी उद्या पोलीसात जाऊन या घटनेची लेखी तक्रार नोंदविण्याचा विचार करत आहे.

• याशिवाय इतर काही करण्याची आवश्यकता आहे का?
• असा फोटो किंवा पुरावा मिळतो का?
• पोलिसात तक्रार नोंदविण्याची गरज आहे का?
• इतर कुणाला असा अनुभव आला आहे का?

माहिती / सल्ला याबद्धल मिपाखरांचे आधीच धन्यवाद. - (तेलंगणातील वाहनमालक) द्येस्मुक् राव