अराजकीय घडामोडी - सप्टेंबर २०२३

गृहराज्यमंत्री हर्ष संघवी यांनी इस्लामिक देशांमध्ये धार्मिक छळाचा सामना केल्यानंतर भारतात स्थलांतरित झालेल्या १०८ हिंदूंना कायमस्वरूपी भारताचे नागरिकत्व दिले. अहमदाबाद जिल्हा प्रशासनाने आयोजित केलेल्या एका कार्यक्रमात संघवी यांनी अहमदाबादमध्ये वास्तव्यास असलेल्या १०८ हिंदूंना “भारतीय नागरिकत्वाचे प्रमाणपत्र” प्रदान केले.
स्थलांतरित झालेले १०८ हिंदू शेजारील अफगाणिस्तान, पाकिस्तान आणि बांगलादेश या देशांतून आलेले आहेत.

चीनच्या मालमत्तेच्या मंदीमुळे अनेक विकासकांना प्रकल्प रद्द करण्यास भाग पाडले गेले आहे. अनेक विकासक दिवाळ्खोरीत गेले आहेत.
याचा अर्थ अनेक लोक चीन आता दिवाळखोरीत गेला असा काढत आहेत.

पण मला तसे वाटत नाही.
चीन त्यांच्या अर्थव्यवस्थेतील खराब भागाचे ऑपरेशन करत आहे.
काही काळात चीनी व्यवस्था परत जागेवर आणली जाईल. कदाचित आधी इतकी नसेल पण नक्कीचे परत येईल.

चीनी सत्ताधारी सीसीपी फार धूर्त आहे. अशीतशी सत्ता जाऊ देणार नाही याची मला खात्री आहे.

पण अर्थ व्यवस्थेवर कशी पकड परत आणेल हे पाहणे रोचक असेल.

जुनी बातमी:
कंबोडियाच्या सत्ताधारी पक्षाने एकतर्फी निवडणुकीत विजयाचा दावा केला आहे. कंबोडियावर ३८ वर्षे राज्य करणारे हुन सेन यांनी त्यांचा अनभिषिक्त उत्तराधिकारी आणि ज्येष्ठ पुत्र हुन मानेट कडे सत्ता सुपूर्त केली आहे. अशा रितीने वडिलांकडून मुलाकडे सत्ता हस्तांतरित झाली.
निवडणूकीआधी मीडिया आणि विरोधक यांचा आवाज शांत केला गेला होता. मुख्य विरोधी पक्षावर बंदी घालण्यात आली होती.

कंबुज किंवा कंबोज हे कंबोडियाचे प्राचीन संस्कृत नाव आहे. कंबोडिया एकेकाळी शक्तिशाली हिंदू कंबोज साम्राज्यातून उदयास आला. जयवर्मन, सूर्यवर्मन, जयवर्मन सातवा, अकराव्या आणि चौदाव्या शतकादरम्यान संपूर्ण प्रदेशावर एकछत्री हिंदू साम्राज्य उभे केले होते. याचे पुरावे अंगकोर वाट मंदिराच्या रुपाने पहायला मिळतात.

नसीरुद्दीन शाह आजोबा परत चर्चेत आले आहेत. भीड सारख्या चित्रपटांपेक्षा “द काश्मीर फाइल्स” आणि “गदर २” सारख्या चित्रपटांना प्रेक्षकांच्या पसंतीबद्दल त्यांनी शोक व्यक्त केला आहे. त्यांच्या मते, हा कल पूर्णपणे चिंताजनक आहे. याच प्रकारचे मत अमीरखान ची माजी पत्नी किरण राव ने व्यक्त केला आहे. त्याअर्थी हे बहुदा टूल कीट चा भाग असाभागासे मानायला जागा आहे. हे लोक कोणतेही विधान किंवा चिंता अशीच वाटली म्हणून कधीच व्यक्त करत नाहीत. सगळ्यामागे वेळ साधलेली असते.
मात्र यामागे विधानामागे काय कारस्थान हे लवकरच बाहेर येईल अशी आशा आहे.

ब्रिटनच्या दुसऱ्या क्रमांकाच्या सर्वात मोठ्या शहराने दिवाळखोरी घोषित केली आहे. बर्मिंगहॅम सिटी कौन्सिल मध्ये २०११ मध्ये सुमारे २१% एका धर्माचे लोक होते. हे वाढून सुमारे ३०% झाले आहेत - यातले लोक प्रामुख्याने पाकिस्तानी वंशाचे आहेत. येथे राहत असलेले बहुतेक पाकिस्तानी लोक काहीही काम करत नाहीत आणि त्यांना अनेक अपत्ये असल्याने सरकारला त्यांना भत्ते द्यावे लागतात. यामुळे येथे व्यवसाय कोलमडला आहे आणि बर्मिंगहॅम सिटी कौन्सिल दिवाळखोर झाले आहे.

खलिस्तानी अतिरेकी हरदीपसिंग निज्जरच्या हत्येमध्ये नवी दिल्लीचा सहभाग असल्याच्या जस्टिन ट्रुडो यांच्या निराधार आरोपांमुळे भारत आणि कॅनडा यांच्यात वाढता राजनैतिक तणाव तयार झाला आहे. विशेष म्हणजे पंतप्रधान ट्रुडो यांनी कॅनडाच्या संसदेत भारतावर कोणताही पुरावा न देता निज्जरची हत्या केल्याचा आरोप केला आहे. भारताने कॅनडाचे भारतातील उच्चायुक्त कॅमेरॉन मॅके याची हकालपट्टी केली आहे.

अझरबैजानने नागोर्नो-काराबाख प्रदेशात लष्करी कारवाई सुरू केली आहे. आर्मेनियाच्या परराष्ट्र मंत्रालयाने काराबाख विरुद्ध अझरबैजानी आक्रमकतेचा निषेध केला आहे.

अवांतरः
आर्मेनियन नरसंहार
क्रूर ऑट्टोमन साम्राज्याने, येथील प्राचीन आर्मेनियन संस्कृती नष्ट करण्यासाठी वारंवार प्रयत्न केले होते. पहिल्या महायुद्धादरम्यान आर्मेनियन लोकांचा पद्धतशीरपणे नरसंहार करण्यात आला. टर्कीच्या सत्ताधारी नेतृत्वाखाली, सीरियन वाळवंटात आर्मेनियन निर्वासितांना अन्न आणि पाण्यापासून वंचित ठेवण्यात आले होते. सुमारे दहा लाख आर्मेनियन लोकांच्या सामूहिक हत्या केल्या गेल्या. महिला आणि मुलांचे सक्तीचे इस्लामीकरण केले गेले होते. टर्की ने आजवर झालेल्या नरसंहाराचा इन्कार केला आहे.
पण खाजगीत टर्की लोकांना या कृत्याचा अभिमान असल्याचे दिसून येते. (माझ्याकडे पुरावे नाहीत पण भाषणे शोधा हे बोलले जाते.)

प्राचीन आर्मेनिया हे एके काळी हिंदू राष्ट्र होते. उज्जैन येथून गेलेल्या शासकांनी याची स्थापना केली होती. येथे गणेश पूजन होत असे. सुमारे इ.स पूर्व तिसर्‍या शतका पर्यंत येथे किमान सात मोठी शहरे होती. व्यापार भरभराटीचा होता आणि जन जीवन आनंदी होते. हा भाग सध्याच्या टर्कीने गिळंकृत केलेल्या भागापैकी आहे. नंतर अर्मेनियामध्ये ख्रिश्चन धर्माचा प्रसार झाला.

पाकिस्तान हा जगातील एकमेव देश आहे जो आर्मेनियाला मान्यता देत नाही.