सध्या मी काय पाहतोय ? भाग १०

इथे गोळा करायची असल्यास पहिल्या नंबर वर मी इथे लावेन The Pursuit of Happyness.

हा सिनेमा पाहून डोळ्यात पाणी न येणारं माणूस म्हणजे मनुष्य नव्हे असेच मला वाटते, कृष्णवर्णीय क्रिस गार्डनर ह्याचा एक फेल शल्यशस्त्र विक्रेता ते गार्डनर रीच ह्या ट्रेडिंग/ investment firm ची स्थापना इथपर्यंतचा प्रवास डोळे भिजवतो,

माणुसकीचा धडा देणारा Pursuit of Happyness माझ्यासाठी नंबर वन.

आज 777 Charlie हा कन्नड चित्रपट VI Movies and TV वर इंग्लिश सबटायटल्स वाचत बघितला.
मला असा अघोरी प्रकार करायला आवडत नाही, पण IMDb वर 9.1/10, Facebook वर 5/5 आणि Rotten Tomatoes वर 100% असे तगडे रेटिंग असल्याने चित्रपट पाहण्याची उत्सुकता होती. तरी अजून पर्यंत ह्या चित्रपटाची हिंदी आवृत्ती येण्याचे नाव घेत नव्हती म्हणुन नाईलाजाने तो अशा प्रकारे बघावा लागला.

माणूस आणि कुत्रा (चित्रपटातली लॅब्रेडॉर कुत्री) ह्यांच्यातील भावनिक नातेसंबंध दर्शवणारा हा चित्रपट श्वानप्रेमीना नक्कीच आवडेल.

माझी चित्रपट माध्यमाकडून अपेक्षा ही निव्वळ मनोरंजन एवढीच असल्याने हा माझ्या टाईपचा चित्रपट नव्हता हे खरे, पण जोडीने चित्रपट पाहणारी बायको कित्येक प्रसंगी हुंदके देत रडत होती, त्यामुळे अशा प्रकारचे चित्रपट पाहण्याची ज्यांची मानसिक तयारी आहे त्यांनी हा चित्रपट आपल्या जवाबदारीवर जरूर पाहावा असा वैधानिक इशाराही देऊन ठेवतो 😀

मी हाडाचा श्वानप्रेमी नाही, मला भावनाप्रधान चित्रपटही आवडत नाहीत त्यामुळे माझी निखळ मनोरंजनाची अपेक्षा हा चित्रपट पूर्ण करू शकला नसला तरी वेळ वाया गेल्या सारखेही वाटले नाही हे विशेष!

चक नाॅरीस आणि जाॅन विकची भ्रष्ट नक्कल ....

टाईम पास म्हणून ठीक आहे ....

द टर्मिनल :-

टॉम हँक्स आणि कॅथरीन झेटा जोन्स, विषय तिथेच संपवायला हवा, पण विक्टर नोवोर्सकी असा सहज संपणारा माणूस अन् विषय दोन्ही नाहीत, आपल्या वडलांच्या आवडत्या जॅझ बँड मधील एका वादकाची सही घ्यायला न्यूयॉर्क शहरात क्रकोझिया देशातून आलेला व्हिक्टर मायदेशात गृहयुद्ध होऊन तो देश म्हणून अस्तित्वात असणेच थांबल्यावर बिन पासपोर्ट बिन देश होतो, अन् बाहेर जायची परवानगी न मिळाल्यामुळे टर्मिनलवरच राहू लागतो

मुळकथा मेहरान करिमी नासेरी ह्या ईराणी मनुष्याच्या पॅरिस चार्ल्स द गॉल एअरपोर्ट टर्मिनल १ वर १९८८ - २००६ स्टेटलेस म्हणून राहण्यावर बेतलेली.

जुग जुग जियो हा अत्यंत टुकार चित्रपट १५ मिनिटांत बघितल्यावर, त्यावर उतारा म्हणून LOTR - Extended & Theatrical बघायला सुरुवात केली. कितव्यांदा तरी बघतेय, सलगही पाहता येत नाही सध्या, वेळेची गणितं जमवत रोज अर्धा-पाऊण तासच बघता येतो...आज दुसरा भाग पूर्ण केला.... just brillant n peerless ! शक्य असेल तर 4Kमध्ये पहा, असे सुचवेन.

अवांतर : पुढील महिन्यांत प्राईमवर The Lord of the Rings: The Rings of Power चा पहिला सिझन येतोय. LOTR फॅन्स आहेत का इथे? नवीन धागा काढून चर्चा करता येईल तिथे.

टर्मिनल आवर्जून आमच्या recommendation वर बघितला ह्याचा आनंद वाटला, अजून एक दागिना खास आपल्यासाठी आणि इतर सभासदांसाठी पण (जर आपण बघितला नसेल तर)

Invictus

९०च्या दशकातील साऊथ आफ्रिका, वर्णद्वेषी एपर्थाईड उचकटून नेल्सन मंडेला पहिले कृष्णवर्णीय राष्ट्राध्यक्ष झाले आहेत, कृष्णवर्णीय जनता मूठभर गोऱ्यांचा सुड उगवून त्यांना दक्षिण आफ्रिका देशाच्या सार्वजनिक आयुष्यातून हद्दपार करायला उतावीळ झाली आहे, रँडचे दर पडतच जातायत, गुन्हेगारी दर वाढतच जातायत,

अश्यात, नव-निर्वाचित प्रेसिडेंट मंडेला आपली पूर्ण स्किल पणाला लावून रग्बी सारखा खेळ अख्खा देश एकत्र बांधायला वापरण्यास सुरुवात करतात. रग्बी टीम ही typical गोऱ्यांची सद्दी मानली गेलेली, नवनिर्वाचित कृष्णवर्णीय बहुसंख्य असलेली राष्ट्रीय क्रीडा कार्यकारणी दक्षिण आफ्रिकन रग्बी टीम खालसा करण्यावर उतावीळ, अन् त्याचा ठराव घेणाऱ्या सभेत मंडेलाचे आगमन

"This is not the time for retribution but cooperation, you have chosen me your leader now let me lead you"

असा काहीसा अंगावर काटा डायलॉग आहे त्या प्रसंगी, असेच शंकासुर गोऱ्यांच्या मनात, ते दूर करण्याची मंडेलाची धडपड. त्या रग्बी टीमचा कप्तान अन् त्याची लीडरशिप, सगळेच प्रेक्षणीय.

प्रेसिडेंट नेल्सन मंडेला - Morgan Freeman

रग्बी टीम कॅप्टन फ्रांस्वा पिना - Matt Damon

मुळात invictus ही एक victorian English कविता होय खालीलप्रमाणे, तिचा आस्वाद हा एक अजूनच स्वतंत्र विषय आहे

अन् हो ही एक सत्यकथा होय

चंद्रमुखी
विश्वास पाटील यांच्या चंद्रमुखी कादंबरी वर आधारित संगीताने सजलेला सुंदर मराठी सिनेमा आहे.प्रसाद ओक यांच दिग्दर्शन कमाल आहे.सिनेमा पाहताना थोडी नटरंग सिनेमाचीही आठवण आली.सिनेमातील वापरलेल्या रंगसंगती फ्रेम सुंदर आहेत.संवाद खुप छान आहेत, तेव्हा मुळ कादंबरी वाचावी वाटतेय.सर्व कलाकारांचा अभिनय उत्कृष्ट आहेच.सर्व गाणी आणि अमृता खानविलकरचा नृत्याविष्कार अप्रतिम आहे.आर्या आंबेकरच्या आवाजातले 'कस करमत नाही ग' गाणं विशेष आवडलं.

मला हा चित्रपट प्रचंड आवडला होता. याआधी तीन चार वेळा बघितलेला आहे. टॉम हँक्स लक्षात राहतो. त्याचे ते Life is like a box of chocolate कधीच विसरु शकणार नाही. लालसिंग मधला अमीर मला ट्रेलरमधे तरी PK मधून पुढे गेल्यासारखा वाटला. ती टॉमची निरागसता ट्रेलरमधे जाणवली नाही.
वर उल्लेखलेला Terminal देखील आवडला.
मला आवडलेला आणखीन एक चित्रपट म्हणजे The Intern. मस्त आहे. फेमिनिझम म्हणजे काय कसलाही आरडाओरडा न करता येत. यातला मला आवडलेला प्रसंग म्हणजे जेव्हा Robert De Niro नायिकेला सांगतो एके काळी माझे ऑफिस याच बिल्डिंगमधे होते. आज ती कंपनी राहिली नाही आणि त्या प्रॉडक्टची गरज उरली नाही. त्याचे हिंदी वर्जन येणार आहे अमिताभ आणि दिपिकाला घेऊन.
मला Nora Ephron चे चित्रपट आवडतात. तिचा विनोदाचा सेंस मस्त आहे. तिने दिग्दर्शित केलेले दोन मला आवडलेले चित्रपट म्हणजे Julie and Julia. हा काहीसा वेगळा आहे. रोमँटिक नाही. यातली Meryl Streep आणि तिचा आभिनय जबरदस्त. तसेच Sleepless in Seattle देखील आवडला. Harry Met Sally आणि You have got mail तर आहेच.

माझा सर्वात आवडता चित्रपट.

नेटफ्लिक्स वर दोन ब्रिटिश सिरीज आहेत ...

१. Unblivable : एका अलेज्ड रेप व्हिक्टीम पोलीस स्टेशन मध्ये रिपोर्ट करायला येते ... आणि नंतर कम्प्लेंट मागे घेते ... आणि मग सुरु होते एका पोलीस तपासाची (ऑफ द रेकॉर्ड) आणि मग त्यातून होत जाणारे कॉम्पलिकेशन्स ..शेवटी पीडितेला न्याय मिळतो का ? अत्यंत गुंतागुंतीचे कथानक भडकपणा टाळून सादर केलेले ... मस्ट वॉच

२. Line of Duty : ब्रिटिश पोलिसांमधील अँटी करप्शन युनिट ची ही कहाणी ... आपल्याच लोकांना (पोलिसांनाच) इन्वेस्टीगेट करणारे हे युनिट .. त्यांचे चॅलेंजेस ... another must watch

Marisa Tomei यात मला लईच भावली, तिने कोर्टात जो नखरेलपणा दाखवत परंतु अत्यंत प्रभावशाली जवाब दिला आहे तो अगदी बघणेबल सीन आहे. :)

अगदी अगदी. मारीसाचे काम सिनेमाची रंजकता कित्येक पटीने वाढवते. भारी पात्र बनवलंय अगदी.

https://youtu.be/Jd10x8LiuBc

https://youtu.be/6FyvZuFzuxc

https://youtu.be/UrWVTs0xxCU

https://youtu.be/Sxed4rkGym0

https://youtu.be/3-ZP95NF_Wk

अनन्या (मराठी) : प्राईम वर आहे.
अपघातात अपंगत्व आलेल्या तरुणीची भूमिका हृता दुर्गुळेने छान केली आहे.
योगेश सोमण , अमेय वाघ यांच्याही भूमिका छान.

मूळ नाटकाचे हे चित्रपट-रुपांतर आहे

जॉगर्स पार्क
हा हिंदी चित्रपट प्राईम वर पाहिला
हलकाफुलका सहकुटुंब बघण्याजोगा
एक निवृत्त न्यायाधीश एका तरुणीच्या प्रेमात पडतात त्याची मजेशीर गोष्ट

व्हिक्टर बॅनर्जी ज्येष्ठ अभिनेत्यांची सुरेख भूमिका

सध्या अनेक सिरिज वा चित्रपट वर वर चाळतो व काही रोचक वाटले तर मग फास्ट फॉरवर्ड करुन पाहतो.
असे असताना ही Vezham ह्या तमिळ चित्रपटाने खिळवुन ठेवले. पहिला अर्धा भाग फास्ट फॉरवर्ड करुन पाहिला पण उत्तरार्ध जबरदस्त आहे.
तमिळ चित्रपटात चक्क मोहन आगाशे पण काही सेकंदांपुरते आहेत.
तसेच काल दगडी चाळ २ ही पाहिला. अंकुश चौधरी कुठल्याही अँगलने अ‍ॅक्शन स्टार वाटत नाही. पळताना तर पुढे खड्डा आहे अथवा पाणी सांडले आहे आणि पळलो तर
घसरुन पडु कि काय अश्याच मनोवस्थेत पळतो. चित्रपटात साऊथ दणादण चित्रपटात हाणामारी च्या प्रसंगत संस्कृत श्लोक वापरतात ना ( संदर्भ बाहुबली) तश्या प्ध्दतीचे श्लोक ऐकु येतात पण ते ही काही प्रभावी वाटत नाही. एकुण चित्रपत फारसा प्रभावी नाही आहे.
extraordinary attorney woo ही लॉ-कोरियन -ड्रामा अशीच फास्ट फॉरवर्ड करत व १.५X वेगाने बघितली. ऑटिझम असलेली वु ही लॉयर हे ह्या सिरिज चे मध्यवर्ती पात्र आहे. एकुण सिरिज पाहण्यासारखी झाली आहे.
आजकाल ऑटिझम पात्र असलेले बर्याच सिरिज पाहण्यात आल्या. गुड डॉक्टर. मॉन्क ह्या सिरिज त्यापैकी काही पाहण्यासारख्या.
तसेच कायद्यावर आधारीत ही बर्याच सिरिज आहेत.

Flowers of war
मस्त आहे

सध्या बऱ्याच ऍनिमेशन सिरीज/ चित्रपट बघतोय

१. the summit of gods (नेटफ्लिक्स ) - हाबु जोजी या fictional गिर्यारोहकांच्या जीवनावर आधारित ऍनिमेशन आहे . फुकूमाची नावाचा वार्ताहर त्याच्या शोधात असतो. हाबुचा जीवनप्रवास , एकटेच गिर्यारोहण करायची वृत्ती , george मॉलोरी चा मिळालेला कॅमेरा आणि त्याचा एव्हरेस्ट सर करण्याचा प्रयत्न याची कथा आहे. चित्रपट बघताना एक प्रकारचा मेडिटेशन फील येतो

२. The Liberators (नेटफ्लिक्स ) - बॅण्ड ऑफ ब्रदर्स सारखी आहे. फेलिक्स स्पार्क्स ह्या आर्मी ऑफिसरच्या अनुभवांवर आहे

३. बॅटमॅन (Hush ) Prime - ज्यांना जुने कार्टून नेटवर्कवाले बॅटमॅन आवडते त्यांना हा ऍनिमेशनपट आवडेल

४. साऊथ पार्कचे रिविजन चालूच असते पण सगळ्यांना नाही आवडणार . फारच satarical वाटते कधी कधी.

काही रिऍलिटी सिरीजचा पण नाद लागला आहे .

१. बिग टिम्बर (नेटफ्लिक्स ) - कॅनडामध्ये टिम्बर मिल चालवणाऱ्या कुटुंबाची थिम आहे. निसर्ग बघायला खूप छान वाटते. वेगवेगळी अवाढव्य यंत्रे , त्यांचे प्रॉब्लेम्स , या क्षेत्रातील धोके यांचे चांगले चित्रण आहे
२. Below Deck (नेटफ्लिक्स ) - luxury yacht वर काम करणाऱ्या टीमचे चित्रण आहे . त्यांचे पाहुणे आणि त्यांचे नखरे , आपापसातील रोमान्स असा सगळा मसाला आहे.

हा सह्याद्री वाहिनीवरील कार्यक्रम सुंदर असतो.
मी अधून मधून पाहतो परवा डॉ. सिसिलिया कारवालो यांची मुलाखत पाहिली.

त्या अतिशय सुंदर मराठी बोलतात. लक्षपूर्वक ऐकल्यावर हे दिसले की त्यांनी बोलताना एकही इंग्लिश शब्द (गरज नसताना) वापरला नव्हता.

छान धागा . अनेक नवीन चित्रपटांची माहिती मिळाली . काही या आधी माहित असलेल्या चित्रपटांची नव्याने ओळख झाली . काही गाजलेल्या चित्रपटांची माहिती लिहिलेल्या धाग्यांची लिंक खाली देत आहे . ( जाहिरात ) .
http://www.misalpav.com/node/46978
http://www.misalpav.com/node/49670
http://www.misalpav.com/node/46533
http://www.misalpav.com/node/42653
http://www.misalpav.com/node/40694
http://www.misalpav.com/node/39435
http://www.misalpav.com/node/36903

सध्या यु ट्युबवर "दिल के करीब" या कार्यक्रमात सुलेखा तळवळकर यांनी अनेक नामवंत कलाकारांच्या मुलाखती घेतल्या आहेत . हे सर्व भाग लोकप्रिय आहेत .

https://www.youtube.com/watch?v=gPeq_vUabMY

https://www.youtube.com/watch?v=6YGvONb8PjE

सुमारे चार वर्षांनी रंगमंदिरात जाऊन नाटक पाहिले.

खरं खरं सांग..’!

फ्रेंच नाटककार फ्लॉरियन झेलरच्या "the truth’वर आधारित नीरज शिरवईकर लिखित आणि विजय केंकरे दिग्दर्शित नाटक.

हलकेफुलके धमाल मनोरंजन. विवाहबाह्य प्रेम प्रकरण हा नेहमीचा विषय छान फुलवला आहे. आनंद इंगळे यांच्या बहुरंगी अभिनयावर नाटक पेललेले आहे.
अन्य कलाकार: रुजुता देशमुख, सुलेखा तळवलकर आणि राहुल मेहंदळे.

नाटक संपल्यानंतर चारही कलाकार उभे राहून प्रेक्षकांना अभिवादन करतात तसेच ते त्यांच्या पुढील प्रयोगांची जाहिरातही करतात.
"

नाटक पाहणारी मंडळी आता आपण थोडीच राहिली आहोत. म्हणून जर तुम्हाला नाटक आवडले असेल तर तुमच्या मित्र परिवाराला ते पाहण्यास

जरूर सांगा",

असे आवाहन इंगळे यांनी केले.

व्हायकिंग्स नुकतीच पाहून झाली आता द एक्स्पान्स सुरू केलीय.

"रघुपती राघव राजाराम "
हे नाटक इथे पाहिले.

छान, आवडलेच..
त्या नावाचा भजनाशी काही संबंध नाही ! नाटकातल्या तीन भावांची नावे आहेत ती .

खरं तर गेला आठवडाभर मी डोळ्याच्या इन्फेक्शन ने त्रस्त आहे आणि त्यामुळेच रजेवर देखील आहे. डोळा उघडा ठेवणे कठीण जात होते म्हणुन काही पाहणे देखील नकोसे वाटतं होते.

आणि लेखाचे नाव, शिर्षक काय आहे?
सध्या मी काय पाहतोय ? भाग १०

हा विरोधाभास आहे. जोक्स अपार्ट, आयुर्वेदीक औषधे सांगु का? हाच रीप्लाय व्यनि करतो.

जर पिक्चरमधला हीरोच असा यडा (अ‍ॅक्चुली खुप घाण शब्द लिहायचा होता) असेल तर स्वःतला हीरो समजणारा प्रत्येकजण असाच यडा बनेल. ह्यांच्याकडुन काय प्रेरणा घ्यायची? हे पुरूष आतली कडी लावतात व बोलतात मी नाही त्यातला!
ह्या पिक्चरवरुन निघालेला अमिर(?)च्या भावाचे विचार युट्युब वर माहीती करा, तुम्हाला त्या हीरोला %%&&&&**** अस काहीतरी बोलावस वाटेल.

आवडली.

सुंदर. प्रेरणादायी

लेखन, अभिनय, दिग्दर्शन, नृत्य आणि शेती यांत कार्यरत
चतुरस्त्र !

गेल्या रविवारी परेश मोकाशी यांचा मराठी चित्रपट 'वाळवी' पाहिला आणि अपेक्षेप्रमाणे धमाल होता, फक्त २ तासाचा आहे WFM आहे.

हलकं फुलकं, नवे चेहरे.
एकंदरीत मला आवडले.

दत्तक मूल या विषयाची सुरेख हाताळणी

नेटफ्लिक्स वर " वध ", संजय मिश्रा आणि नीना गुप्ता ... "आंखो देखी" मधला परस्थितीने वैतागलेला मध्यमवर्गीय बाप किंवा मिर्झापूर मधील गावातील सरळ आयुष्य जगणारा वकील पांडे ... यांची आठवण झाली .. नीना गुप्ता यानं त्यांच्या वयाला आणि आवाज / देहयष्टी ला शोभनार्या अशा छान भूमिका मिळत आहेत , पंचायत मधील मंजुदेवी , किंवा "बधाई हो" मधील आई ...

2019 चा डोंबिवली रिटर्न (प्रमुख भूमिका संदीप कुलकर्णी) हा पाहिला.
पूर्वार्ध ठीक आहे; उत्तरार्ध भरकटलेला.
मुळात पूर्वीच्या डोंबिवली फास्टशी याचा काही संबंध नाही. पूर्ण वेगळ्या धर्तीवरची कथा आहे.

एक पापभीरु मध्यमवर्गीय, भाई- दादा आणि राजकारणी यांच्या नादी लागून भराभर श्रीमंत होत जातो आणि अखेरीस त्याचे पूर्ण पतन होते हा सारांश.
हॉटस्टारवर आहे