श्रावणही आला फिरूनी सख्या तू ही ये फिरूनी शालू हिरवा नेसूनी ओली मेंदी रेखूनी उभी ही सृष्टी अंगणी श्रावणही आला फिरूनी सख्या तू ही ये फिरूनी| पायवाट मृदगंधी भिजूनी इंद्रधनू कमान बांधूनी डोळी श्रावण सरी भरूनी श्रावणही आला फिरूनी सख्या तू ही ये फिरूनी| सरली शेतातली पेरणी फुलले ताटवे जल धारांनी पानांवर स्पर्शबिंदू गोठूनी श्रावणही आला फिरूनी सख्या तू ही ये फिरूनी| उमलेल्या बकुल फुलांनी कुठवर पहावे रुप दर्पणी गंधगीत गाऊ विरघळूनी श्रावणही आला फिरूनी सख्या तू ही ये फिरूनी|