साहित्य
मुगाची डाळ - हिरवी सालासकट येते ती.- २ वाट्या
आले - पाउण इंच
मिर्च्या - ३-४ ( तिखट आवदत असल्यास जास्त घ्याव्यात.)
लसुण - ६-७ कळ्या
जिरे- १/२ चमचा
मीठ - चविनुसार.
कृती
डाळ ५-६ तास पाण्यात भिजवुन घ्या... रात्रभर ठेवली तरी चालते.
मग त्यातले पाणी काढुन मिक्सर मधे वाटुन घ्या. वाट्ताना त्यात आले मिर्चि लसुण व जिरे घाला.
वाटताना थोडे पाणी घाला. आपण डोस्याला करतो तितपत पातळ करावे.
चविनुसार मीठ घालुन अर्धातास ठेउन द्यावे.
नॉनस्टीक पॅन मधे थोडा थोडा तेल टिश्युपेपर ने लावुन घ्या आणि डोसा करुन घ्या.......बाजुने थोडेसे तेल सोडा.
डोसा दोन्हि बाजुने परतुन घ्या.
आणि टोमॅटो सॉस किंवा लिंबाच्या लोणच्याबरोबर वाढा.
चविला मस्तच लागतो आणि पौष्टिक हि आहे.
From mugache dose" />
प्रतिक्रिया
22 Apr 2009 - 9:49 am | विसोबा खेचर
सायली,
जियो...! :)
तात्या.
22 Apr 2009 - 9:54 am | ३_१४ विक्षिप्त अदिती
झकास!
सकाळच्या न्याहरीला तेच तेच खाऊन कंटाळा आला आहे. हा मुगाचा डोसा आणि रवा डोसा असे प्रकार आता करेन. धन्यवाद सायलीताई.
अदिती
स्वाक्षरीत प्रत्येक वेळी 'पंच' असावा असं थोडीच आहे?
22 Apr 2009 - 10:50 am | उच्चैश्रवा
पण पौष्टिक मूग ??
की मुगाचे पौष्टिक डोसे !!
22 Apr 2009 - 10:56 am | सायली पानसे
पौष्टिक मुगाचे काय किंवा मुगाचे पौष्टिक डोसे काय सारखेच हो ..शेवटी पोटात जाण्याशी मतलब ... :-) :-)
22 Apr 2009 - 11:04 am | मैत्र
भव्य महिलांचे कबड्डी सामने :P
22 Apr 2009 - 10:51 am | वल्लरी
मस्तचं दिसतो आहे डोसा..
करेन उद्या.. ब्रेक फास्ट साठी..
---वल्लरी
22 Apr 2009 - 11:03 am | मैत्र
धन्यवाद सायली!
हा आंध्राचा टिपिकल डोसा आहे...
पेसर पप्पू म्हणजे मूग डाळ आणि पेसरट्टू म्हणजे मुगाच्या डाळीचा डोसा...
काही भर - यावर वरच्या - हिरव्या असलेल्या बाजूवर डोसा जरा झाला की तव्यावरून काढण्याआधी बारीक चिरलेला कांदा आणि जिरे घालतात.
मूग जरा उग्र असतात चवीला ते थोडे कमी होते व छान लागते.
तिथे 'एम एल ए' पेसरट्टू नावाचा प्रकार मिळतो. मसाला डोशात जशी बटाट्याच्या भाजी घालतात तसं यात उपमा घालतात.
यातही कांदा, आणि भरपूर हिरव्या मिरच्यांचे तुकडे असतात... गरम गरम मऊ उपमा या डोशाबरोबर झकास लागतो !
टीपः हैदराबादला गेल्यास हा प्रकार 'चटणीज' मध्ये मस्त मिळतो - ज्युबिली हिल्स आणि नागार्जुना हिल्स..
22 Apr 2009 - 11:07 am | चतुरंग
फारच छान मिळतो आणि ह्याच्या बरोबर घोंगुरा पिकल (आंध्रा भाषेत पिक्कल) मस्तच लागतं! वा तोंडाला पाणी सुटलं =P~ =P~
चतुरंग
22 Apr 2009 - 11:19 am | सायली पानसे
करुन बघेन असा पण नक्कि. माहिती बद्दल मनापासुन धन्यवाद.
11 Aug 2009 - 8:40 pm | विंजिनेर
एस्स सार...
फक्त चटणी मधेच नाही तर कुठल्याही आंध्रप्रदेशी गृहिणीच्या घरी किंवा टीफीन रूम मधे हे नक्की मिळेल.... पर्वा नही!
(आंध्रप्रदेशी जेवण प्रेमी)यम. विंजिनेर राव
22 Apr 2009 - 11:04 am | पाषाणभेद
नका हो सकाळी सकाळी असे चांगले चांगले पदार्थ सांगू. आणि त्यात ते फोटो पण. मनावर ताबा राहत नाही.
:-)
- पाषाणभेद उर्फ दगडफोड्या (- राजेंनी बहाल केलेले नाव)
22 Apr 2009 - 11:47 am | स्वाती दिनेश
मस्त दिसतो आहे डोसा..
मी मूगाच्या डाळीऐवजी अख्खे मूग भिजत घालून वाटते. बाकी सेम.
स्वाती
22 Apr 2009 - 3:55 pm | परिकथेतील राजकुमार
वाह वाह !
आता शनीवारी रवा डोसा आणी रविवारी मुगाचा डोसा फिक्स ;)
परा डोसा
©º°¨¨°º© परा ©º°¨¨°º©
फिटावीत जरा तरी जगण्याची देणी, एक तरी ओळ अशी लिहावी शहाणी...
आमचे राज्य
22 Apr 2009 - 7:30 pm | क्रान्ति
पाकृ आणि फोटो दोन्हीही मस्त!
:)
क्रान्ति {मी शतजन्मी मीरा!}
www.mauntujhe.blogspot.com
22 Apr 2009 - 7:35 pm | स्मिता श्रीपाद
मस्त दिसत आहेत डोसे..
उद्याची मतदानाची सुट्टी सार्थकी लावेन :-)
-स्मिता
23 Apr 2009 - 3:11 am | समिधा
फोटो बघुन लगेच करावे वाटले.
समिधा
(चांगल्या मैत्री सारखे सुंदर दुसरे काही नाही.)
11 Aug 2009 - 3:32 pm | मितालि
11 Aug 2009 - 6:48 pm | श्रीयुत संतोष जोशी
दोन दोन फोटो बघून जाम त्रास झाला.
हे लगेच होणं श्क्य नसल्यामुळे पटकन कचेरीत गेलो, एक मिसळ हाणली आणि तेव्हढ्यापुरता तरी शांत झालो . आता उद्या डोसे करून खाईन. आणि मी काढलेला फोटो पण टाकीन.
हे राज्यं व्हावे ये तो श्रींची इच्छा.
11 Aug 2009 - 8:40 pm | आशिष सुर्वे
सायली ताय,
आमच्या सारख्या 'बॅचरर्स'कडून, ज्यांना स्वत:च जेवण करून स्वत:च खाण्याचा शाप लाभलेला आहे, अशा सर्वांकडून.. शतश: धन्यवाद!!
मुंबईला जसा 'वडापाव', तसे.. बेंगरुलूला 'डोसे'!!
येऊद्यात अजून..
'विकांताला' करीन म्हणतो..
जागु ताय च्या पालेभाज्यांची वाट पहात असलेला..
-
कोकणी फणस
''आयुष्य ही देवाच्या हातची मिसळच जणू.. सुख-दु:खाची!''