कोवळी आंब्याची पानं विणली तोरणात, पिवळी, केशरी झेंडूची फुलं ओवली दो-यात! तयार केले भरगच्च तोरण, बांधले घराच्या दारात , आज दसरा ! विजयाची जाणीव जागते मनामनात !! आपट्याचं पानं सुवर्ण म्हणून वाटून परंपरा जपतो, अन् मैत्रीचा भाव एकमेकांच्या मनांत जागवतो !! सर्वांना आठवणीने शुभेच्छा देऊन आनंदीत करतो, छोट्या छोट्या अनेक गोष्टींनी नाती बांधून ठेवतो !! दसरा आहे सत्याचा असत्यावर विजय श्रीरामाने रावणावर मिळवलेला विजय वाईटावर होणारा चांगल्याचा विजय दुष्ट प्रवृत्तींवर सत्प्रवृत्तीचा विजय ! तसाच , आपणही मिळवूया या कोरोनारूपी राक्षसावर विजय ! घराबाहेर पडूया, पण मास्क घालूनच सण साजरे करू, पण अंतर राखूनच अंतर असलं तरी, मना मनांतली दरी मात्र बुजवून टाकू, यंदा आनंदाने, वेगळीच अशी विजयादशमी साजरी करू !! *सर्वांना विजयादशमीच्या मनःपूर्वक शुभेच्छा !!* - सौ वृंदा मोघे 25/10/2020