गेले काही दिवस मिसळपाव धुंडाळत असताना असं लक्षात आलं की मिसळपाववर केवढं वैविध्यपूर्ण आणि सुंदर लेखन झालेलं आहे! आज २०१९ मध्ये पूर्वीचं चांगलं लेखन हुडकून काढणं हे खूप कठीण आहे. या ट्रायल अँड एरर पद्धतीने शोधताना बरेच उत्तम लेख, काव्य, मालिका निसटून जाण्याचीच शक्यताच जास्त. त्यामुळे हा नवा धागा. मिसळपाववर पूर्वी प्रसिद्ध झालेल्या लोकप्रिय लेखनाची एका ठिकाणी यादी करता येऊ शकेल का? मिसळपाववर असलेल्या जुन्या जाणत्या सदस्यांना एक प्रामाणिक आवाहन. आपल्याला आवडलेल्या आपल्या आठवणीतल्या मिसळपाववर गाजलेल्या उत्तमोत्तम साहित्याचे (लेख, काव्य, चर्चा, कलाकृती, आदी सर्व) आपण आपल्या प्रतिसादांत दुवे द्यावेत ही विनंती. आपल्याला आवडलेले पूर्वी प्रसिद्ध झालेले साहित्य हे केवळ मिसळपाववरचेच असावे आणि ते आपल्या दृष्टीने तरी शिफारस करण्याजोगे असावे ही विनंती आहे. यामुळे मिसळपाववर नवीन सदस्यांसाठी एक अभिजात आणि लोकप्रिय साहित्याचा एक उपयुक्त इन्डेक्स उपलब्ध होईल. धन्यवाद!