हारासाठी काही पण ........... ( शशक २)

Primary tabs

खिलजि's picture
खिलजि in जनातलं, मनातलं
7 Feb 2019 - 5:26 pm

ती : दोघांसाठी वर्षाला तीन लाख , म्हणजे जर अतीच होतंय .

तो : हो ग , पण सुविधा एकदम मस्त आहेत . जरा बरे वाटेल नि आपल्यालाही काळजी नसेल .

ती : मी मागे हार मोडून दुसरा बनवते बोलले तर तुम्ही केव्हढं बोलला होता .

तो : तुला योग्य वाटतं ते कर. एक मात्र नक्की पैसे दिल्यावाचून आपली यातून सुटका नाही . अगं वेडे

चोवीस तास सुरक्षा आहे तिथे. आपलं काय , दोघेही कामावर आणि मुलं शाळेत . कोण आहे इथे ?

ती : परवा कळेल तुम्हाला.

ठळक बातम्या : क्रूरकर्मा सासूसासऱ्याना पोस्कोअंतर्गत अटक . न्यायालयीन चौकशी सुरु आहे .

सिद्धेश्वर विलास पाटणकर

मांडणीप्रकटन

प्रतिक्रिया

आनन्दा's picture

7 Feb 2019 - 5:37 pm | आनन्दा

काय बी कल्ला नाय

किसन शिंदे's picture

7 Feb 2019 - 5:44 pm | किसन शिंदे

काहीच कळालं नाही नेमकं काय सांगायचंय ते.

रांचो's picture

7 Feb 2019 - 6:03 pm | रांचो

वृद्धाश्रमा ऐवजी जेल ?
+१

"पोक्सो कायदा(इंग्लिश:POCSO ACT) म्हणजेच लैंगिक गुन्ह्यांपासून बालकांचे संरक्षण कायदा २०१२ हा बालकांचे लैंगिक अत्याचारांपासून संरक्षण करण्यासाठी आणि अशा घटनातील गुन्हेगारांना शिक्षा देण्यासाठी भारत सरकारने २०१२ साली तयार केलेला कायदा आहे. पोक्सो हे प्रोटेक्शन ऑफ चिल्ड्रेन फ्रॉम सेक्स्च्युअल ओफेन्सेसचे लघुरूप आहे.(विकिपीडिया)"

या कायद्याखाली सासूसासर्‍यांना अटक करवून वृद्धाश्रमासाठी द्यावे लागणारे तीन लाख वाचवले. *हारासाठी काहीपण* असा अर्थ असावा. धक्कातंत्र जमलं आहे.

बरोब्बर ओळखलंत रांचो साहेब आणि पलाश साहेब .. धन्यवाद सर्व वाचकांचे आणि प्रतिसादकांचे

श्वेता२४'s picture

7 Feb 2019 - 9:35 pm | श्वेता२४

धक्कातंत्र जमलंय.

mayu4u's picture

8 Feb 2019 - 11:19 am | mayu4u

स्पर्धेसाठी हीच पाठवायला हवी होती.

धक्कातंत्र फसल्यासारखं वाटलं, पहिल्या वाचनामध्ये पटकन समजत नाही.

ज्ञानोबाचे पैजार's picture

8 Feb 2019 - 11:47 am | ज्ञानोबाचे पैजार

शशक साठी कायपण
पैजारबुवा,

अभिजीत अवलिया's picture

8 Feb 2019 - 11:57 am | अभिजीत अवलिया

मस्त रे मित्रा.

किल्ली's picture

8 Feb 2019 - 12:00 pm | किल्ली

मस्त

धन्यवाद सर्व प्रतिसाद्क आणि वाचक मंडळींचे. मजा येतेय , मस्त शशक मौसम चालू आहे. सर्वानी निदान स्पर्धेत नाही तर इथे या गंगेत तरी न्हाऊन घ्यावं .

केवळ एका हाराकरता??